Yo 21:5 - Sơ̆p Hlabơar Nơ̆r 'Bok Kei-Dei

⁵ Yêsu khan kơ lu sư: “Ơ tơpôl lu dăm, iĕm traih jal hăm đei rôp kiơ?” Lu sư khan: “Nhôn hoh-hoy kơ rôp minh găr.”

Yo 21:5 Iomraidhean Croise

I Pot 19:6

Sư iung lăng 'bôh minh tơpei 'bĕng 'bơ̆t kơ̆l anih sư 'bĭch oei 'buh kơpal tơmo ŭnh păng minh pôm get đak, sư iŏk sa păng nhă đak 'noh đơ̆ng noh sư 'bĭch dơ̆ng.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Mathiơ 14:15

Lăp hiưp kơsơ̆ boih na lu bơngai pơhrăm păng Sư khan kơ Sư thoi âu: “Anih âu kueng chơngue dêh păng kơsơ̆ boih tăm. Ih kuă kơ kiơ athei lu sư năm chă răt kơdih tơmam sa kiơ̆ pơlei jê̆ âu 'biơ̆?”

Markôs 8:7

Lu sư kư̆m đei 'bar pêng găr ka iĕ iĕ. Yêsu krao khan bơnê kơ 'Bă Sư 'Bok Kei-Dei, na Sư athei lu sư chă asong kơ bôl buăl.

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

I Yo 2:13

Ơ lu mih ma duch nă, inh chih kơ iĕm kơthơ âu kơlih kơ iĕm băt kơ Yêsu Krist mă oei arih đơ̆ng blŭng-a sơ̆. Ơ lu adruh tơdăm, inh chih kơ iĕm kơthơ âu kơlih kơ yang Satan thuơ kơ iĕm boih.

I Yo 2:18

Ơ lu kon hơ'lơ̆p, năr tôch wă jê̆ truh boih. Iĕm kơtơ̆ng đơ̆ng sơ̆ boih gah tơdrong bơngai ayăt kơ Yêsu Krist gô truh. Na dang ei đei lơ bơngai ayăt kơ Yêsu Krist truh boih, thoi noh bơih bơ̆n băt kơ năr tôch wă jê̆ truh.