Yo 21:16 - Sơ̆p Hlabơar Nơ̆r 'Bok Kei-Dei

¹⁶ Yêsu jet Pêtrôs 'măng mă 'bar: “Ơ Simôn, kon Yôhan, ih hăm 'mêm kơ Inh?” Pêtrôs drơ̆ng: “Tơpă, ơ Kră Yang, Ih băt mơ̆n inh 'mêm kơ Ih.” Yêsu khan kơ sư: “Lei ih rong triu Inh.”

Yo 21:16 Iomraidhean Croise

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 95:7

Yua kơ Sư boih Kră Yang 'Bok Kei-Dei bơ̆n. Lu bơ̆n jing kon pơlei oei lăm dơnih 'nhĕt Sư. Păng jing triu kiơ̆ kơ ti Sư chông anhăk. Năr âu tơdah iĕm kơtơ̆ng nơ̆r Sư,

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Mathiơ 25:32

Năr ei kơnh đĭ-đăng rim khŭl kon bơngai akŭm 'bơ̆t anăp Inh, na Inh gô klah asong lu sư jing 'bar khŭl, kư̆m thoi bơngai wei triu klah asong triu păng bơbe sư 'bar khŭl.

Mathiơ 26:72

Mă-lei Pêtrôs oei sơngah khan: “Inh khan kơ iĕm tơpă, inh ưh kơ băt kơ Sư ôh.”

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Yo 18:17

Drŏ-kăn ei jet Pêtrôs: “Hăm trŏ kơ ih kư̆m pơhrăm păng Yêsu?” Pêtrôs khan: “Ưh ôh, inh ưh.”

Yo 18:25

Pêtrôs oei nhur ŭnh. Lu bơngai nhur ŭnh ei jet Pêtrôs: “Hăm trŏ kơ ih pơhrăm păng Yêsu?” Pêtrôs sơngah khan: “Ưh ôh, inh ưh.”

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”