Yo 21:12 - Sơ̆p Hlabơar Nơ̆r 'Bok Kei-Dei

¹² Yêsu khan kơ lu sư: “Năm sa tơ âu bĕ.” Mă-lei lu sư ưh kơ đei bu pơ̆n jet Sư: “Ih bu?” Yua kơ lu sư băt kơ Sư Kră Yang Yêsu.

Yo 21:12 Iomraidhean Croise

Mathiơ 22:46

Yêsu khan thoi noh ưh kơ đei bu gơh tơl Sư păng đơ̆ng năr noh ưh kơ đei bu pơ̆n jet Sư dơ̆ng.

Markôs 9:32

Mă-lei lu sư ưh kơ hlôh ôh Yêsu pơma thoi noh păng ưh kơ pơ̆n jet Sư tăm.

Luka 9:45

Mă khan Yêsu pơma hơdah tơdrong noh, lu sư ưh kơ hlôh păng lu sư kư̆m ưh kơ pơ̆n jet Yêsu.

Yo 16:19

Yêsu băt kơ lu sư wă jet Sư tơdrong 'noh na Sư khan kơ lu sư thoi âu: “Inh khan pă 'biơ̆ noh, lu iĕm ưh pă 'bôh Inh boih, na đơ̆ng rŏng kơ noh ưh kơ đunh mơ̆n, iĕm gô 'bôh Inh dơ̆ng; hăm trŏ tơdrong noh ưh, iĕm jet dih băl hei?

Yo 21:11

Na Pêtrôs tŏk kơpal thŏng-nan hiot hloi jal ei atŏk kơpal kông. Jal ei ka puh, ling ka tih tih ngăl mah minh-hrĕng pơđăm-jĭt pêng tŏ ka. Ka sư lơ dang noh ngơnh kơ jal sư huay kơ hiah.

Yo 21:15

Lu sư achăng sa boih na Yêsu jet Simôn Pêtrôs thoi âu: “Ơ Simôn kon Yôhan, ih hăm 'mêm kơ Inh hloh kơ lu buăl ih âu 'mêm kơ Inh?” Pêtrôs drơ̆ng: “Ơ Kră Yang, Ih băt mơ̆n inh 'mêm kơ Ih.” Yêsu khan kơ sư: “Lei ih rong kon triu Inh.”

Yo 4:27

Kơplah noh blư 'bôh hloi lu bơngai pơhrăm păng Sư wih. Lu sư 'bôh Yêsu pơma dơnuh păng duch noh lu sư pơwao hlĭch. Mă-lei lu sư ưh kơ jet Yêsu khan: “Ih pơma kiơ?” Dah: “Kơlih kơ kiơ Ih pơma dơnuh păng duch âu?” Lu sư ưh kơ đei jet pơma thoi noh ôh.

Jang 10:41

Mă-lei Sư ưh kơ tơ'bôh akâu Sư kơ đĭ kon pơlei pơla ôh. Sư tơ'bôh akâu Sư kơ lu bơngai Sư rơih hơdrol wă pơm kơdranh kơ Sư iung arih boih. Sư tơ'bôh akâu Sư kơ nhôn. Nhôn sŏng sa hơdai păng Sư đơ̆ng rŏng kơ Sư iung arih.