Yo 21:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ noh Yêsu tơ'bôh akâu Sư minh wơ̆t dơ̆ng kơ lu bơngai pơhrăm păng Sư tơ jih đak dơsĭ Galilê. Sư tơ'bôh akâu Sư thoi âu:

Yo 21:1 Iomraidhean Croise

Mathiơ 26:32

Mă-lei lăp 'Bok Kei-Dei tơiung arih Inh đơ̆ng lôch, Inh năm tơ dêh Galilê hơdrol kơ iĕm.”

Mathiơ 28:16

Mơjĭt-mônh 'nu lu bơngai pơhrăm păng Yêsu, lu sư năm tơ dêh Galilê. Lu sư tŏk tơ kông mă đêl Yêsu pơkă kơ lu sư.

Mathiơ 28:7

Na dang ei biĕm năm hloi tơ lu bơngai pơhrăm păng Sư, khan kơ lu sư thoi âu: ‘'Bok Kei-Dei tơiung arih Sư đơ̆ng lôch boih, Sư wă năm tơ dêh Galilê hơdrol kơ iĕm, iĕm gô tơ'bơ̆p Sư tơ noh.’ Biĕm 'nĕ hiơt tơdrong Inh khan kơ biĕm âu hŏ.”

Markôs 16:12

Klaih kơ noh Sư tơ'bôh akâu Sư kơ 'bar 'nu bơngai pơhrăm păng Sư kơplah bre sư oei năm rok trong lĕch đơ̆ng Pơlei Jêrusalem. Mă hơdrol bre sư lăng hlĭch tơpă mă đơ̆ng rŏng bre sư kơnăl nhên tơpă.

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Markôs 16:7

Na dang ei iĕm năm hloi tơ Pêtrôs păng đĭ-đăng lu bơngai pơhrăm păng Sư, khan Yêsu wă năm tơ dêh Galilê hơdrol kơ iĕm, iĕm gô tơ'bơ̆p Sư tơ noh thoi Sư khan kơ iĕm ki.”

Yo 21:14

Yêsu tơ'bôh akâu Sư kơ lu bơngai pơhrăm păng Sư pêng 'măng kơ âu boih đơ̆ng rŏng kơ Sư iung arih đơ̆ng lôch.

Yo 6:1

Đunh 'biơ̆ đơ̆ng ei, Yêsu tŏk pah to đak dơsĭ Galilê mă đe kư̆m anăn dơsĭ Tiberia.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.