Yo 20:19 - Sơ̆p Hlabơar Nơ̆r 'Bok Kei-Dei

¹⁹ Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:19 Iomraidhean Croise

Horiso 122:8

Yua kơ lu 'nhŏng oh păng bôl buăl inh. Inh khan: “Ăn tơdrong hiôk-hian tơ lăm ih.”

Mathiơ 10:13

Dah bơngai lăm hnam ei bơngai 'lơ̆ng tơpă, lei iĕm apinh 'Bok Kei-Dei ăn kơ hnam noh chơt hiôk khŏm khŏm; dah ưh, iĕm lê̆.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Yo 21:1

Đơ̆ng rŏng kơ noh Yêsu tơ'bôh akâu Sư minh wơ̆t dơ̆ng kơ lu bơngai pơhrăm păng Sư tơ jih đak dơsĭ Galilê. Sư tơ'bôh akâu Sư thoi âu:

Yo 21:14

Yêsu tơ'bôh akâu Sư kơ lu bơngai pơhrăm păng Sư pêng 'măng kơ âu boih đơ̆ng rŏng kơ Sư iung arih đơ̆ng lôch.

Yo 7:13

Lu bơngai mă pơma thoi noh, lu sư ưh kơ pơma 'bơ̆t anăp đe tơpôl ôh kơlih kơ lu sư hli kơ lu kră sư.

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

Rom 15:33

'Bok Kei-Dei đĕch gơh ăn kơ bơ̆n hiôk-hian, na inh apinh Sư oei hơdai đĭ-đăng kơ iĕm. A-men.

I Kor 15:5

Klaih kơ noh Yêsu Krist tơ'bôh akâu Sư kơ Pêtrôs păng tơ'bôh kơ mơjĭt-'bar 'nu jơ̆ng 'bang Sư.

Êphêsô 2:14

Sơ̆ lu bơngai Juđê hăm lu bơngai nai areh dih băl tơpă. Mă-lei Yêsu Krist pơm 'long sơlam kơ bơ̆n, ăn kơ bơ̆n jing hiôk dih băl, ưh pă đei kiơ pĕng tŏk-bŏk bơ̆n dơ̆ng.

Êphêsô 6:23

Inh krao khan kơ 'Bă tơm bơ̆n 'Bok Kei-Dei hăm Kră Yang bơ̆n Yêsu Krist, apinh Sư tơgŭm đĭ-đăng kơ iĕm hiôk-hian, hăm ăn kơ iĕm băt 'mêm mơnat kơ đe, hăm lui rai kơjăp.

Philip 1:2

Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

II Tes 3:16

Kră Yang Yêsu Krist boih ăn kơ bơ̆n hiôk-hian. Nhôn krao khan apinh Sư ăn kơ iĕm hiôk-hian ling-lang lăm tôm tơdrong păng nhôn apinh Sư oei hơdai rim 'nu kơ lu iĕm.

Hêbrơ 7:2

Abraham iŏk dôm tơmam sư minh lơ̆m mơjĭt asong kơ Mêlkisêdek. Anăn Mêlkisêdek wă khan 'bok pơtao 'lơ̆ng tơpăt. Pơtao đe Salem, Salem wă khan hiôk-hian, sư 'bok pơtao pơgơ̆r tơdrong hiôk-hian.

III Yo 1:14

Kơlih kơ ưh pă đunh boih inh wă tơ'bơ̆p ih, na ba pơma dơnuh dih băl.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;