Yo 20:18 - Sơ̆p Hlabơar Nơ̆r 'Bok Kei-Dei

¹⁸ Thoi noh Mari, Pơlei Mađơla, năm khan kơ lu bơngai pơhrăm thoi âu: “Inh 'bôh boih Kră Yang bơ̆n Yêsu.” Păng sư roi tơdrong đêl Yêsu pơkă kơ sư.

Yo 20:18 Iomraidhean Croise

Mathiơ 27:56

Anăn lu sư mơ'nah: Mari đơ̆ng Pơlei Mađơla, Mari mĕ bre Yakơ hăm Yôsep păng minh 'nu mĕ bre Yakơ hăm Yôhan, 'bă bre sư Sêbêđê.

Mathiơ 28:10

Yêsu khan: “Biĕm 'nĕ pă hli, biĕm jah năm khan kơ lu 'nhŏng oh Inh athei lu sư năm tơ dêh Galilê, lu sư gô tơ'bơ̆p Inh tơ noh hloi.”

Luka 24:10

Lu bơngai drŏ-kăn mă 'bôh tơdrong noh hei, anăn lu sư Mari đơ̆ng Pơlei Mađơla, Jôanna, hăm Mari mĕ bre Jôsê hăm Yakơ; păng kư̆m đei lu bơngai drŏ-kăn nai dơ̆ng mơ̆n kiơ̆ lu sư.

Yo 19:25

Jê̆ 'long pơglang đe pơ̆ng Yêsu 'noh đei mĕ Sư, duch Sư, Mari akăn Klôpas păng Mari Pơlei Mađơla.

Yo 20:1

Tơ pơgê hrôih năr mă mônh lăm giĕng, oei măng mu, Mari Pơlei Mađơla năm tơ bơsat Yêsu. Truh tơ bơsat sư 'bôh tơmo tơgrŏl lê̆ boih đơ̆ng 'măng bơsat.