Yo 20:12 - Sơ̆p Hlabơar Nơ̆r 'Bok Kei-Dei

¹² Sư 'bôh 'bar 'nu linh jang 'lơ̆ng 'Bok Kei-Dei hrŭk ao kok tơoei 'bơ̆t anih mă đêl đe tơ'bĭch atâu Yêsu, minh 'nu 'bơ̆t jơ̆ng, minh 'nu 'bơ̆t kơ̆l.

Yo 20:12 Iomraidhean Croise

II Ho 5:12

Lu bơngai Lêwi hơri, noh Asap, Hêman păng Jêđuthun, lu kon drŏ-nglo sư lu 'nhŏng oh sư hrŭk hơbĕn ao che 'bui se rơmuăn, preh chhar, reh brŏ dung, tĭng-nĭng đĭ-đăng lu sư dơ̆ng gah hơlĕch kơ chơnang soi hơdai hăm minh-hrĕng 'bar-jĭt 'nu 'bok soi hlôm keng.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Jang 1:10

Lu sư oei 'bloh tơ plĕnh khŏm khŏm, na lu sư 'bôh hloi 'bar 'nu linh jang 'lơ̆ng hrŭk ao kok dơ̆ng jê̆ 'bơ̆t lu đe ei. Na bre linh jang 'lơ̆ng khan kơ lu đe ei thoi âu:

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.