Yo 2:4 - Sơ̆p Hlabơar Nơ̆r 'Bok Kei-Dei

⁴ Na Yêsu khan kơ sư: “Ơ duch, ih mah hăt kơ kiơ, yua kơ tam mă trŏ jơ Inh wă tơgŭm lu sư?”

Yo 2:4 Iomraidhean Croise

II Sam 16:10

Pơtao tơl khan: “Ơ lu kon drŏ-nglo Sêruia, tơdrong inh 'bơm kiơ kơ lu iĕm? Lê̆ Simêi hiap, tơdah noh đơ̆ng Kră Yang athei hiap inh, na bu pơ̆n jet sư: ‘Yua kơ kiơ ih pơm thoi noh?’ ”

II Sam 19:22

Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

Bôk Bơthô 3:1

Đĭ-đăng tôm tơdrong đei hơgăt lê̆ khei 'năr ngăl; rim tơdrong lăm ala teh âu đei hơgăt lê̆ khei 'năr boih.

Mathiơ 15:28

Sư pơma trŏ thoi noh, na Yêsu khan: “Ơ yă, ih lui kơjăp tơpă. Tơdrong ih apinh noh gô đei kơ ih.” Kơplah noh kon adruh sư klaih hloi.

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Luka 2:49

Na Yêsu khan kơ mĕ 'bă Sư: “Biĕm chă kiơ kơ Inh jơ̆p-jang? Biĕm ưh kơ băt kơ Inh wă hăt kơ jang tơdrong 'Bă Inh âu dah kiơ?”

Yo 12:23

Na Yêsu pơma hloi gah tơdrong Sư wă lôch iung arih thoi âu: “Dang ei trŏ năr 'Bok Kei-Dei wă pơư pơang Inh Kon Bơngai tơpă boih.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 2:3

Kơplah lu sư oei et sa, sik lu sư ưh kơ mah, na mĕ Yêsu khan kơ Yêsu: “Sik đe âu ưh kơ mah.”

Yo 20:13

Bre sư jet Mari thoi âu: “Ih hmoi kơ kiơ?” Mari khan: “Đe iŏk atâu Yŏng inh, thoi noh inh ưh kơ băt đe lê̆ Sư tơ yơ ôh.”

Yo 20:15

Yêsu khan kơ Mari: “Ih hmoi kơ kiơ, ih chă bu?” Mari ngêh kơ Yêsu 'noh bơngai wei pơgar, na sư khan: “Ơ 'bok, tơdah ih đei iŏk atâu Sư, apinh ih roi kơ inh ih lê̆ tơ yơ, wă kơ inh năm iŏk Sư.”

Yo 7:30

Thoi noh na lu đe ei wă rôp Sư ră, mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 7:6

Yêsu khan kơ lu oh Sư: “Ưh tam mă trŏ Inh wă năm tơ Pơlei Jêrusalem tơbăt kơ đe tơdrong Inh ôh. Mă-lei dah iĕm wă năm, layơ kư̆m bưh.

Yo 7:8

Na iĕm năm hơpong bĕ năr giĕng noh. Gah Inh tam mă năm ôh, kơlih kơ tam mă trŏ kơ Inh wă năm.”

Yo 8:20

Yêsu bơtho tơdrong âu, Sư bơtho lăm hnam akŭm 'Bok Kei-Dei tơm, 'bơ̆t anih đe tah jên pơyơ̆r kơ Kră Yang. Mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Both 33:9

Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.