Yo 2:25 - Sơ̆p Hlabơar Nơ̆r 'Bok Kei-Dei

²⁵ yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 2:25 Iomraidhean Croise

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

Êsai 11:3

Sư hiôk chơt lăm tơdrong hli yom kơ Kră Yang, Sư ưh kơ sek tơlang kiơ̆ kơ măt 'bôh, kư̆m ưh kơ sek kiơ̆ đon Sư kơtơ̆ng.

Mathiơ 9:4

Yêsu băt kơ lu sư pơma mơmơnh lăm to jô̆ kơ Sư tơdrong 'noh na Sư khan: “Liơ iĕm pơma mơmơnh lăm to, khan Inh pơma kơnê̆?

Yo 1:42

Thoi noh na Andrê anhăk 'nhŏng sư Simôn năm tơ Yêsu. Yêsu lăng sư păng khan: “Ih Simôn kon Yôhan, na dang ei Inh wă anăn ih Sêphaih.” Sêphaih noh nơ̆r Juđê, kiơ̆ nơ̆r Grĕk sư khan Pêtrôs. (Nơ̆r Pêtrôs noh wă khan tơmo.)

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Yo 13:11

Yêsu băt boih gah bơngai wă plơ̆ plĕch kơ Sư. Kơlih kơ thoi noh Sư khan: “Pă minh 'nu ưh kơ rơgoh.”

Yo 6:61

Mă-lei Yêsu băt kơdih lu bơngai ei pơma mơmơnh kơ tơdrong Sư bơtho hei. Na Yêsu khan kơ lu sư: “Inh bơtho thoi noh hei trŏ tơpă, mă-lei iĕm ơh hă?

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.