Yo 2:12 - Sơ̆p Hlabơar Nơ̆r 'Bok Kei-Dei

¹² Đơ̆ng noh mĕ Sư păng lu bơngai pơhrăm păng Sư, yak hơdai Sư đơ̆ng noh năm tơ Pơlei Kapernum. Lu sư oei tơ Pơlei Kapernum noh ưh kơ đunh mơ̆n.

Yo 2:12 Iomraidhean Croise

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Mathiơ 12:46

Kơplah Yêsu oei bơtho lu đe ei, na đei oh Sư hăm mĕ Sư dơ̆ng tơ 'ngoaih chă Sư wă pơma dơnuh.

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Yo 2:2

Đe kư̆m wơ̆n Yêsu păng lu bơngai pơhrăm păng Sư năm mơ̆n.

Yo 4:46

Yêsu năm tơ Pơlei Kanna lăm dêh Galilê dơ̆ng, pơlei mă đêl Yêsu tơlĕch mơsêh mơyang Sư pơm kơ đak 'blăng jing đak sik hơmu. Na tơ Pơlei Kapernum đei minh 'nu bơngai pơm 'bok kuan, sư bơ̆jang iĕ 'biơ̆ kơ 'bok pơtao. Na kơplah noh kon sư jĭ dêh.

Yo 6:17

Lu sư tŏk thŏng-nan wă năm tơ Pơlei Kapernum. Kơplah ei 'năr mơ̆t boih măng mu, mă-lei Yêsu tam mă jur tơ lu sư ôh na lu sư wơ̆r wă tŏk pah to.

I Kor 9:5

Dah nhi đei akăn kư̆m bơngai lui, na juăt kơ anhăk thoi đe Pêtrôs, thoi lu đe oh Yêsu, thoi lĕ lu jơ̆ng 'bang Yêsu nai, lê̆ kơ lu bơngai lui 'me sa sư, kư̆m gơh mơ̆n dah kiơ?

Galati 1:19

Inh kư̆m tơ'bơ̆p Yakơ oh Yêsu mơ̆n, mă-lei inh ưh kơ đei tơ'bơ̆p jơ̆ng 'bang Yêsu nai ôh kơplah noh.