Yo 19:36 - Sơ̆p Hlabơar Nơ̆r 'Bok Kei-Dei

³⁶ Tơdrong 'noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Ưh kơ đei minh pôm kơting Sư tơgơ̆ ôh.”

Yo 19:36 Iomraidhean Croise

II Pot 15:12

'Nâu bơih đei 'bôh 'blep thoi nơ̆r Kră Yang khan kơ Jêhu: “Adrĕch ih gô pơgơ̆r lu đe Isơrael dĭng truh kơ jơhnơr mă puăn.” Tơdrong 'nâu đei truh sĭt thoi noh.

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

Horiso 34:20

Sư wei đĭ dôm kơting sư, Ưh kơ đei minh pôm ayơ mă tơgơ̆.

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”

Le 12:46

Giĕng noh 'nhĕm gơh sa lăm hnam đĕch; ih 'nĕ chĕp 'nhĕm lĕch tơ 'nguaih păng kư̆m 'nĕ pơm tơgơ̆ minh pôm kơting ayơ.

Jo 9:12

sa pơđĭ ưh kơ đei 'măn kiơ tŏ sĕt truh tơ năr dơning păng kư̆m ưh kơ gơ̆ minh pôm kơting mơ̆n; athei wei răk kiơ̆ kơ tơdrong juăt giĕng Năm Brih noh.

Mathiơ 1:22

Dôm tơdrong 'noh 'blep trŏ thoi 'Bok Kei-Dei ăn kơ minh 'nu bơngai khan lê̆ hơdrol sơ̆ thoi âu:

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 19:24

Lu linh pơma băl tơduă lu sư khan: “Lu bơ̆n 'nĕ pă hek ao 'nâu, gô bơ̆n hlang lăng 'mơ̆i, na băt bu gơh iŏk.” 'Noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Lu sư hek asong băl hơbĕn ao Inh, klaih kơ 'noh hlang iŏk ao tai Inh.” Thoi noh lu linh pơm rok tơdrong 'noh.

Yo 19:28

Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”