Yo 19:2 - Sơ̆p Hlabơar Nơ̆r 'Bok Kei-Dei

² Lu linh gơ̆ jơla, pơm tơlei agăl pơyơ̆l kơ kơ̆l Yêsu, pơhrŭk ăn kơ Sư ao tai 'brê pơm thoi pơtao.

Yo 19:2 Iomraidhean Croise

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Yo 19:5

Klaih kơ noh na Yêsu lĕch. Sư yơ̆l tơlei agăl jơla păng hrŭk ao tai 'brê. Pilat khan: “Iĕm lăng bĕ bơngai 'nâu.”