Yo 19:11 - Sơ̆p Hlabơar Nơ̆r 'Bok Kei-Dei

¹¹ Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Yo 19:11 Iomraidhean Croise

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Mathiơ 26:65

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng? Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh.

Mathiơ 27:2

Lu sư chô̆ Yêsu năm jao ăn kơ Pilat, bơngai Rôm mă pơgơ̆r dêh Juđê.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Markôs 14:44

Juđa bơngai mă plơ̆ plĕch Yêsu, sư tơbăt ăn kơ lu bơngai mă năm rôp Yêsu thoi âu: “Bơngai mă inh chŭm, bơngai 'noh boih Yêsu; iĕm rôp anhăk Sư mă brĕ hŏ.”

Luka 22:53

Bĭ rim năr Inh oei tơ tŏk-bŏk lu iĕm tơ lăm hnam akŭm tơm, na iĕm kuă kơ kiơ kơ rôp Inh tơ noh lĕ? Mă-lei iĕm oei kiơ̆ kơ yang Satan mă oei pơgơ̆r dôm lu bơngai oei lăm măng mu na trŏ năr iĕm rôp Inh boih.”

Yo 18:13

Lu sư năm ba Yêsu tơ Ana. Ana 'noh sư tơnei Kaiphe. Kaiphe pơm 'bok soi tơm lăm sơnăm 'noh.

Yo 18:3

Thoi noh Juđa năm krao iŏk lu linh Rôm păng lu linh Juđê mă gak hnam akŭm tơm mă đêl lu 'bok soi tih hăm lu khŭl Pharisi pơkă ăn kơ lu sư. Lu sư tơ̆k ŭnh, chĕp đao, hơlă, hră, năm tơ pơgar ei.

Yo 19:10

Pilat khan: “Lơliơ Ih kuă pơma hăm inh? Ih ưh kơ băt inh gơh achăng Ih dah pơ̆ng pơlôch Ih tơ 'long pơglang hă?”

Yo 3:27

Yôhan khan kơ lu sư thoi âu: “Ưh kơ đei bu gơh pơm tơdrong kiơ dah 'Bok Kei-Dei ưh kơ ăn kơ sư.

Yo 7:30

Thoi noh na lu đe ei wă rôp Sư ră, mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 9:41

Yêsu khan kơ lu sư: “Dah iĕm ưh kơ hlôh tơdrong 'Bok Kei-Dei lei Inh ưh kơ jô̆ kơ iĕm yoch ôh. Sơmă iĕm khan iĕm hlôh tơdrong 'Bok Kei-Dei, mă-lei iĕm ưh kơ wă lui kơ Inh, iĕm pơm thoi noh yoch boih.”

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

Rom 13:1

Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.