Yo 19:1 - Sơ̆p Hlabơar Nơ̆r 'Bok Kei-Dei

¹ Thoi noh Pilat năm ba Yêsu ăn kơ lu linh sư teh tach Sư păng sơnguĕt.

Yo 19:1 Iomraidhean Croise

Horiso 129:3

Lu bơngai năm choh, choh rơuơ boih rok kơdŭ rŏng inh. Chrek trong rơuơ kơjung ataih.”

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 53:5

Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Luka 18:33

Lu sư teh tach pơjĭ Inh păng pơlôch Inh. Mă-lei kơtĕch pêng năr Inh gô iung arih dơ̆ng.”

Luka 23:16

Inh gô ăn kơ lu linh teh pơjĭ Sư păng sơnguĕt na đơ̆ng noh tơlĕch Sư đĕch.”

Luka 23:23

Mă-lei lu đe ei pơma 'bơ̆r re pơlŭt Pilat khŏm khŏm athei sư pơ̆ng pơlôch Yêsu tơ 'long pơglang. Na khŏm khŏm jing jei hĭ lu đe noh tơpă.

II Kor 11:24

Lu bơngai Juđê teh pơjĭ inh păng sơnguĕt pơđăm 'măng boih, rim 'măng sư teh pêng-jĭt tơsĭn wơ̆t.

Hêbrơ 11:36

Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.