Yo 18:8 - Sơ̆p Hlabơar Nơ̆r 'Bok Kei-Dei

⁸ Yêsu khan dơ̆ng: “Inh khan kơ iĕm boih Inh bơngai noh. Dah lu iĕm wă rôp Inh, apinh iĕm ăn kơ lu bơngai kiơ̆ Inh âu brŏk.”

Yo 18:8 Iomraidhean Croise

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Yo 10:28

Inh ăn kơ triu Inh arih ling-lang, sư ưh kơ layơ lôch răm ôh. Ưh kơ đei bu kĕ tơgar iŏk sư đơ̆ng ti Inh.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 13:36

Na Pêtrôs jet Sư: “Ơ 'Bok, Ih wă năm tơ yơ?” Yêsu khan: “Mă Inh năm tơ yơ, dang ei ih ưh kơ gơh kiơ̆ Inh ôh; gô ning-mônh ih gơh kiơ̆.”

Yo 16:32

Mă-lei pă 'biơ̆ kơnh, wă jê̆ truh boih, đĭ-đăng kơ lu iĕm kơdâu sơlah gah kơdih kơdih brŏk tơ hnam tŭk kơdrô̆ Inh đĕch. Mă tơpă Inh ưh kơ oei kơdrô̆ Inh ôh. 'Bă Inh oei hơdai păng Inh.

Yo 18:7

Yêsu jet dơ̆ng: “Iĕm chă bu?” Lu đe ei khan: “Nhôn chă Yêsu, Pơlei Nasaret.”

Yo 18:9

Yêsu khan tơdrong noh 'blep tơdrong đơ̆ng Sư khan lê̆ hơdrol kơ 'Bă Sư hei thoi âu: “Lăm lu bơngai đêl Ih ăn kơ Inh ưh kơ đei bu hiong ôh.”

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.