Yo 18:4 - Sơ̆p Hlabơar Nơ̆r 'Bok Kei-Dei

⁴ Yêsu băt boih tơdrong wă truh kơ Sư, mă-lei Sư năm găn anăp lu đe ei păng jet: “Lu iĕm chă bu?”

Yo 18:4 Iomraidhean Croise

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

Ne 6:11

Inh khan: Minh 'nu bơngai thoi inh âu wă kơdâu ôn hă? Bơngai bu thoi inh âu mơ̆t lăm hnam akŭm na mă gơh arih hă? Inh ưh kơ mơ̆t ôh.

Horiso 27:3

Mă khan khŭl linh wang tăp kơ inh, Jơhngơ̆m inh ưh kơ hli, Mă khan ayăt iung blah inh, jơhngơ̆m inh oei hơđơ̆ng.

Horiso 3:6

Inh ưh kơ hli ôh kơ lơ rơbâu bơngai, Wang tăp dăr puăn pah.

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 26:2

“Iĕm băt mơ̆n oei pă 'bar năr truh kơ năr đe pơm Giĕng Năm Brih. Na đe wă rôp jao Inh Kon Bơngai ăn kơ đe pơ̆ng pơlôch tơ 'long pơglang.”

Mathiơ 26:21

Kơplah lu sư oei sŏng sa Yêsu khan: “Inh khan kơ iĕm tơpă, đei minh 'nu lăm lu iĕm dang ei wă plơ̆ plĕch Inh.”

Mathiơ 26:31

Yêsu roi kơ lu bơngai pơhrăm păng Sư: “Đĭ-đăng kơ iĕm măng kơnh kơdâu achăng lê̆ Inh, yua kơ đei nơ̆r chih roi lê̆ hơdrol boih thoi âu: ‘'Bok Kei-Dei gô pơlôch tơ'ngla wei triu, triu kơdâu tơklah đơ̆ng tơ'ngla Sư.’

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 13:11

Yêsu băt boih gah bơngai wă plơ̆ plĕch kơ Sư. Kơlih kơ thoi noh Sư khan: “Pă minh 'nu ưh kơ rơgoh.”

Yo 18:5

Na lu đe ei khan: “Nhôn chă Yêsu, Pơlei Nasaret.” Yêsu khan: “Inh boih Yêsu.” Juđa, bơngai plơ̆ plĕch kơ Yêsu, sư dơ̆ng hơdai đe noh.

Yo 18:7

Yêsu jet dơ̆ng: “Iĕm chă bu?” Lu đe ei khan: “Nhôn chă Yêsu, Pơlei Nasaret.”

Yo 19:28

Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

Jang 2:28

Ih tơiung arih Inh đơ̆ng lôch; yua kơ Ih oei păng Inh, jơhngơ̆m Inh gô hiôk chơt tơpă.’ ”

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.