Yo 18:3 - Sơ̆p Hlabơar Nơ̆r 'Bok Kei-Dei

³ Thoi noh Juđa năm krao iŏk lu linh Rôm păng lu linh Juđê mă gak hnam akŭm tơm mă đêl lu 'bok soi tih hăm lu khŭl Pharisi pơkă ăn kơ lu sư. Lu sư tơ̆k ŭnh, chĕp đao, hơlă, hră, năm tơ pơgar ei.

Yo 18:3 Iomraidhean Croise

Horiso 22:12

Đei lơ rơmo bri tơno tăp dăr kơ inh, Lu rơmo tơno pran kơtang đơ̆ng Basan wang tăp kơ inh.

Mathiơ 25:1

“Kơplah năr ei kơnh lu bơngai mă khan 'Bok Kei-Dei pơgơ̆r lu sư ră, mă-lei lu sư thoi lĕ kơ mơjĭt 'nu adruh âu, rim 'nu kơ lu sư chĕp ŭnh kơđeng ngăl wă năm ngôi hơpong kơ bơngai 'nao iŏk akăn. Lu sư chang gô bơngai mă 'nao iŏk akăn ei wă truh.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 18:12

Thoi noh lu linh Rôm păng minh 'nu 'bok sêp lu sư, hăm lu linh Juđê mă gak hnam akŭm tơm, lu sư rôp chô̆ Yêsu.

Yo 18:18

Đei lu linh, lu đĭch đam oei nhur ŭnh ngar kơlih kơ tơngiĕt. Pêtrôs kư̆m năm nhur hơdai hăm lu đe noh mơ̆n.

Yo 18:22

Lăp Yêsu pơma thoi noh, đei minh 'nu linh Juđê tap tơ'bŏk Sư păng khan: “Ih ưh kơ trŏ pơma kơ 'bok soi tơm thoi noh ôh.”

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

Yo 7:32

Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Jang 1:16

“Ơ lu 'nhŏng oh, Yang Bơhngol 'Lơ̆ng ăn kơ Đawit chih pơkă lê̆ hơdrol roi gah Juđa sơ̆ lăm sơ̆p hla bơar 'Bok Kei-Dei. Yua kơ thoi noh na trŏ dang ei tơpă. Juđa tơ'bôh trong kơ đe năm rôp Yêsu.

Jang 10:1

Tơ Pơlei Sêsarê đei minh 'nu bơngai anăn sư Kôrnei. Sư 'bok yŏng linh lăm khŭl linh đe anăn khŭl Itali, mă-lei sư wei lăp minh grŭp đĕch.