Yo 16:7 - Sơ̆p Hlabơar Nơ̆r 'Bok Kei-Dei

⁷ Inh khan kơ iĕm tơpăt, Inh brŏk tơ 'Bă Inh đĕch 'lơ̆ng hloh dang ei. Dah Inh ưh kơ brŏk tơ Sư dang ei lei 'Bok Dŏng Mơnat ưh kơ jur tơ iĕm ôh. Inh jah brŏk na Inh wơh Sư jur tơ iĕm.

Yo 16:7 Iomraidhean Croise

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Luka 24:49

Inh gô ăn kơ iĕm Yang Bơhngol 'Lơ̆ng kư̆m thoi lĕ 'Bă Inh pơkă wă ăn kơ iĕm mơ̆n. Mă-lei iĕm athei oei tơ Pơlei Jêrusalem khŏm khŏm tơ̆p mă 'bôh Yang Bơhngol 'Lơ̆ng đơ̆ng plĕnh jur tơ iĕm 'mơ̆i, na iĕm jing pran hăm nuih tơpă chă bơtho đe.”

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Luka 9:27

Inh khan kơ iĕm tơpă, đei lăm lu iĕm âu mơ'nah ưh tam lôch ôh, lu sư gô 'bôh tơdrong 'Bok Kei-Dei pơgơ̆r tơpă.”

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 14:28

Iĕm kơtơ̆ng Inh khan kơ iĕm, khan Inh gô jăk đơ̆ng iĕm păng gô wih dơ̆ng tơ iĕm. Dah iĕm 'mêm kơ Inh tơpă, lei iĕm kư̆m hiôk chơt tơduă iĕm mơ̆n, yua Inh khan Inh wă tŏk tơ 'Bă Inh păng yua kơ Sư tih hloh kơ Inh.

Yo 14:3

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Yo 16:8

Lăp Sư jur, Sư tơbăt ăn kơ lu bơngai ala teh âu lu sư đei tơdrong yoch; Sư tơbăt ăn kơ lu sư Inh, Inh 'lơ̆ng tơpăt; păng tơbăt kơ lu sư gah tơdrong 'Bok Kei-Dei wă phak lu bơngai ưh kơ lui kơ Sư.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Jang 10:34

Na Pêtrôs pơma thoi âu: “Dang ei inh băt tơpă boih 'Bok Kei-Dei jô̆ đĭ-đăng bơngai lei-lăi đĕch.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.