Yo 16:23 - Sơ̆p Hlabơar Nơ̆r 'Bok Kei-Dei

²³ “Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

Yo 16:23 Iomraidhean Croise

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Mathiơ 21:22

Mă tơdrong kiơ kiơ iĕm krao khan apinh 'Bok Kei-Dei, dah iĕm lui kơ Sư gô ăn tơdrong iĕm apinh noh, lei iĕm gô đei tơpă.”

Mathiơ 7:7

“Krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

Yo 14:20

Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 14:22

Juđa mă ưh kơ sĭ Juđa Ikariôt sư jet Yêsu: “Ơ 'Bok, kơlih kơ kiơ Ih tơbăt kơ nhôn akâu Ih, mă lu bơngai ala teh âu Ih ưh kơ tơbăt ăn kơ lu sư?”

Yo 14:5

Na Thôm khan: “Ơ 'Bok, nhôn ưh kơ băt Ih năm tơ yơ, thoi yơ nhôn gơh chă trong năm tơ Ih?”

Yo 15:7

“Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Yo 16:19

Yêsu băt kơ lu sư wă jet Sư tơdrong 'noh na Sư khan kơ lu sư thoi âu: “Inh khan pă 'biơ̆ noh, lu iĕm ưh pă 'bôh Inh boih, na đơ̆ng rŏng kơ noh ưh kơ đunh mơ̆n, iĕm gô 'bôh Inh dơ̆ng; hăm trŏ tơdrong noh ưh, iĕm jet dih băl hei?

Yo 16:26

Hơtai ei kơnh iĕm krao khan hăm anăn Inh apinh 'Bă Inh ăn tơdrong kiơ kiơ, Inh ưh pă kăl apinh Sư wă tơdŏng iĕm boih,

Yo 16:30

Na dang ei nhôn băt kơ Ih, băt tôm tơdrong păng nhôn ưh pă kăl jet Ih dơ̆ng. Thoi noh boih na nhôn lui kơ Ih jur đơ̆ng 'Bok Kei-Dei tơpă.”

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.