Yo 16:21 - Sơ̆p Hlabơar Nơ̆r 'Bok Kei-Dei

²¹ Thoi bơngai drŏ-kăn, truh năr sư wă jê̆ tơpŭ, sư sơ'ngon kơlih kơ sư jĭ. Hlôi sư tơpŭ boih sư hiơt kơ tơdrong jĭ sư kơlih kơ sư chhơp yua kơ đei hơ'lơ̆p boih.

Yo 16:21 Iomraidhean Croise

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

Jop 11:16

Ih gô hiơt kơ dôm tơdrong pơmat-tat ih, ưh kơ 'blŏk kơ tơdrong 'noh thoi đak ro hlôi bơih.

Horiso 113:9

Sư ăn kơ drŏ-kăn hơwŏng lăm hnam sư, jing mĕ chơt hiôk hăm lu kon sư. Halêluya!

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 21:3

Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

Êsai 66:7

Adrol kơ jĭ anăp sư tơpŭ bơih; adrol kơ jĭ anăp truh, sư tơpŭ kơ minh 'nu kon drŏ-nglo bơih.

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Mi 4:9

Yua kơ kiơ iĕm krao ôr thoi noh? Lu iĕm ưh kơ đei pơtao hă? Dah mă lu bơngai nuih pran hơgei sư lôch boih, na iĕm mah ôr thoi bơngai drŏ-kăn tơpŭ?

Galati 4:27

Lăm sơ̆p hla bơar 'Bok Kei-Dei khan kơ Pơlei Jêrusalem tơ kơpal plĕnh ti thoi âu: “Ơ bơngai hơwŏng, mă kơ biơh jĭ anăp, mă-lei ih gô chơt tơpă. Klo ih achăng lê̆ ih boih, mă-lei ning-mônh ih gô đei kon lơ hloh kơ bơngai mă đei klo dang ei.”

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.