Yo 16:2 - Sơ̆p Hlabơar Nơ̆r 'Bok Kei-Dei

² Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Yo 16:2 Iomraidhean Croise

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Da 11:33

Lu bơngai hơgei hlôh wao gô bơtho lơ bơngai; mă-lei lu sư gô lôch kơ đao, lôch kơ ŭnh, lôch kơ đe phak lôch kơ đe plah tơgar lăm đunh sơnăm dêh.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 24:9

“Kơplah noh kơnh đe gô rôp iĕm jao kơ đe tôn teh păng pơlôch iĕm. Đĭ-đăng bơngai areh arĕnh kơ iĕm yua kơ iĕm lui kơ Inh.

Luka 6:22

“Hiôk bĕ lu iĕm mă đe areh arĕnh, pơm kuă kơ iĕm, pơjăm pơjuă iĕm, khan iĕm bơngai kơnê̆ yua kơ iĕm lui kơ Inh Kon Bơngai.

Yo 12:42

Mă-lei kư̆m đei lơ mơ̆n lu kră pơm tih lăm dêh Juđê lui kơ Yêsu. Mă-lei lu sư ưh kơ roi kơ đe tơdrong sư lui ôh, kơlih kơ lu sư hli kơ lu bơngai Pharisi băt kơ lu sư lui, na bơngai Pharisi ưh kơ ăn mơ̆t akŭm lăm hnam akŭm 'Bok Kei-Dei.

Yo 16:25

“Inh bơtho iĕm dôm tơdrong 'noh păng nơ̆r pơtih gia ngăl. Mă ning-mônh kơnh Inh ưh pă bơtho păng nơ̆r pơtih gia boih. Inh gô pơma hơdah hloi gah tơdrong 'Bă Inh.

Yo 16:32

Mă-lei pă 'biơ̆ kơnh, wă jê̆ truh boih, đĭ-đăng kơ lu iĕm kơdâu sơlah gah kơdih kơdih brŏk tơ hnam tŭk kơdrô̆ Inh đĕch. Mă tơpă Inh ưh kơ oei kơdrô̆ Inh ôh. 'Bă Inh oei hơdai păng Inh.

Yo 4:21

Yêsu khan kơ sư: “Ơ duch, Inh wă khan kơ ih tơpă, ning-mônh đe huay pă năm kơkuh kơ 'Bă bơ̆n 'Bok Kei-Dei tơ kông âu dah tơ Pơlei Jêrusalem dơ̆ng boih.

Yo 4:23

Ning-mônh, kư̆m thoi dang ei mơ̆n, lu bơngai mă kơkuh kơ 'Bă bơ̆n 'Bok Kei-Dei mă trŏ ưh kơ sĭ sư kơkuh păng jơ̆ng dah păng ti sư đĕch ôh. Sư kơkuh lăm jơhngơ̆m đon sư. Sư kơkuh mă tơpă na 'Bok Kei-Dei lăp đon kơ lu bơngai mă kơkuh kơ Sư thoi noh.

Yo 9:22

Mĕ 'bă sư ưh kơ wă khan Yêsu pơklaih sư yua kơ sư hli kơ lu bơngai Juđê. Lu bơngai Juđê khan bơngai bu khan Yêsu 'Bok Krist mă 'Bok Kei-Dei wơh wă pơgơ̆r kon bơngai, bơngai 'noh lu sư ưh kơ ăn năm mơ̆t akŭm tơ hnam 'Bok Kei-Dei.

Yo 9:34

Lu sư khan: “Ih măt tol đơ̆ng 'nao tơpŭ kơ ih sơ̆ kơlih kơ tơdrong yoch, na liơ ih wă bơtho lu nhôn dơ̆ng?” Lu sư pơpuh tơlĕch hloi bơngai ei tơ 'ngoaih.

Jang 5:33

Lu kră sek tơlang kơtơ̆ng thoi noh, sư hil mơmĭl tơpă wă pơlôch lu jơ̆ng 'bang Yêsu.

Jang 7:56

Na Êtien khan kơ lu 'bok sek tơlang ei khan: “Iĕm lăng, plĕnh tơpơih ti, inh 'bôh Kon Bơngai oei gah 'ma kơ 'Bă Sư 'Bok Kei-Dei.”

I Kor 4:13

đe chă pơchê nhôn ră, mă-lei nhôn tơl tơwih pơ'lơ̆ng đĕch; oei khơ̆ dang ei đĕch tơdrong lu nhôn thoi lĕ kơ 'bruih đe bơngai ala teh.

Philip 3:6

Inh kư̆m pơm kơnê̆ kơ lu bơngai lui kơ Yêsu yua kơ inh ngêh kơ 'Bok Kei-Dei wă thoi noh tơpă; mă tơdrong juăt Môis inh ưh kơ pơm kơnê̆, pơm yoch ôh.

Tơdrông Tơ'bôh 6:9

Lăp Kon Triu hek tơdra mă pơđăm, na inh 'bôh bơhngol lu bơngai lôch, lu sư oei tơ ala kơ chơnang soi lơlap lơlang. Lu bơngai noh sơ̆ đe pơlôch yua kơ lu sư ră roi tơdrong 'Bok Kei-Dei.

Lu 6:30

Lu kon pơlei pơla khan kơ Jôas: Ăn kon ih lĕch, sư gô lôch yua kơ sư pơrăm chơnang soi kơkuh kơ yang Baal păng kăl tơpăk lê̆ gơ̆ng rup yang Asêra cheng noh hai.