Yo 16:13 - Sơ̆p Hlabơar Nơ̆r 'Bok Kei-Dei

¹³ Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Yo 16:13 Iomraidhean Croise

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Jôel 2:28

Năr ei kơnh Inh gô tuh ăn Yang Bơhngol 'Lơ̆ng Inh kơ đĭ-đăng kon bơngai. Lu kon drŏ-nglo kon drŏ-kăn gô pơma khan lê̆ adrol; dôm lu kră iĕm gô hơpo 'bôh, păng dôm lu kon hơ'lơ̆p iĕm gô 'bôh tơdrong tơ'bôh đơ̆ng Kră Yang.

Yo 12:49

Yua kơ ưh kơ sĭ Inh bơtho tơdrong Inh kơdih ôh. 'Bă Inh mă wơh Inh, Sư pơkă kơ Inh bơtho thoi yơ, na Inh bơtho thoi noh mơ̆n.

Yo 14:17

Lu bơngai oei ala teh âu mă ưh kơ lui, lu sư ưh kơ gơh sơng iŏk Sư ôh, kơlih kơ lu sư ưh kơ gơh 'bôh Sư păng ưh kơ băt kơ Sư. Mă-lei iĕm, iĕm băt kơ Sư, kơlih kơ Sư oei păng iĕm, Sư kư̆m gô oei lăm jơhngơ̆m iĕm mơ̆n.

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Yo 16:12

“Inh oei đei lơ tơdrong wă pơma păng iĕm dơ̆ng, mă-lei lu iĕm ưh kơ kĕ iŏk pơđĭ ôh dang ei.

Yo 3:32

Sư roi kơ đe dôm tơdrong Sư 'bôh păng Sư kơtơ̆ng. Mă-lei ưh kơ đei bơngai bu wă lui kơ nơ̆r Sư bơtho.

Yo 8:38

Inh roi kơ iĕm tơdrong mă Inh 'bôh kơplah Inh oei hơdai păng 'Bă Inh. Na iĕm pơm kiơ̆ iĕm kơtơ̆ng đơ̆ng 'bă iĕm.”

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

Jang 20:23

Tơ rim pơlei Yang Bơhngol 'Lơ̆ng pơma kơ inh khan lăp inh truh tơ Pơlei Jêrusalem inh gô đei tơdrong pơmat đe rôp tah inh tơ hnam phak.

II Tes 2:12

Thoi noh 'Bok Kei-Dei gô phak đĭ-đăng lu sư, kơlih kơ lu sư ưh kơ lui kơ tơdrong 'Bok Kei-Dei, lu sư lăp đon kơ pơm tơdrong kơnê̆ đĕch.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

I Yo 4:6

Sơmă bơ̆n kon 'Bok Kei-Dei. Bơngai bu băt kơ 'Bok Kei-Dei, bơngai 'noh sư mơ̆ng bơ̆n. Bơngai bu ưh kơ băt kơ 'Bok Kei-Dei, bơngai 'noh ưh kơ mơ̆ng bơ̆n ôh. Thoi noh bơ̆n băt bơngai bu kiơ̆ Yang Bơhngol 'Lơ̆ng tơpă, bu wă kiơ̆ yang Satan đĕch.

I Yo 5:6

Yêsu Krist jur tơ ala teh âu Sư iŏk 'batem hăm đak păng Sư lôch tuh pham yua kơ bơ̆n, ưh kơ sĭ tơdrong iŏk 'batem đĕch ôh, tơdrong Sư tuh pham yua kơ bơ̆n mơ̆n.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Tơdrông Tơ'bôh 1:19

Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.