Yo 16:10 - Sơ̆p Hlabơar Nơ̆r 'Bok Kei-Dei

¹⁰ Sư tơbăt kơ lu sư Inh pơm 'lơ̆ng tơpăt kơlih kơ Inh brŏk tơ 'Bă Inh 'Bok Kei-Dei, na iĕm ưh pă 'bôh Inh dơ̆ng.

Yo 16:10 Iomraidhean Croise

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Yo 16:28

Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Yo 16:5

“Na dang ei Inh wă brŏk tơ 'Bok mă wơh Inh. Mă-lei iĕm ưh kơ đei tơchĕng tơdrong Inh wă brŏk tơ Sư.

Yo 3:14

“Na tơ char glă sơ̆ ki sơ̆ kach Môis pơm minh dăng 'bih păng mam kong, sư tơ'băk 'bih ei kơpal 'long wă kơ đe lăng 'bih ei na huay kơ lôch đơ̆ng 'bih choh. Kư̆m thoi noh mơ̆n đe gô atŏk Inh Kon Bơngai tơ 'long pơglang tơpă ning-mônh.

Yo 5:32

Mă-lei đei minh 'nu nai pơma bơ̆ng Inh tơpă păng Inh kư̆m băt kơ Sư pơma tơpăt tơpă tơdrong Inh.

Yo 7:33

Na Yêsu khan kơ lu bơngai tơpôl: “Inh oei hơdai iĕm ưh pă đunh boih. Klaih kơ noh Inh wă wih tơ 'Bok mă wơh Inh.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 5:5

Mă-lei gah bơ̆n, bơ̆n băt Kră Yang 'Bok Kei-Dei jô̆ bơ̆n bơngai 'lơ̆ng tơpăt hăm Sư năr tôch ning-mônh yua kơ Yang Bơhngol 'Lơ̆ng ăn kơ bơ̆n lui păng gơnang kơ Kon Sư Yêsu Krist.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.