Yo 16:1 - Sơ̆p Hlabơar Nơ̆r 'Bok Kei-Dei

¹ “Inh bơtho iĕm tôm tơdrong 'noh wă kơ iĕm huay kơ achăng lê̆ Inh.

Yo 16:1 Iomraidhean Croise

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Mathiơ 13:57

Lu đe noh 'nhĕng Sư hơgei na jing kuă lui kơ Sư. Yêsu khan kơ lu sư: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, lơ bơngai lăp đon 'maih mơ̆ng dêh dôm nơ̆r lu sư bơtho. Mă-lei lu bơngai oei pôm pơlei hăm lu sư, hnam dơnŏ lu sư, ưh kơ 'maih wă mơ̆ng tơdrong bơtho ôh. Na truh tơ Inh dang ei kư̆m lei-lăi.”

Mathiơ 24:10

Kơplah noh mơ̆n đei lơ lu bơngai lui achăng lê̆ Inh, lu sư hil areh kơ lu bôl mă oei lui kơ Inh, lu sư rôp lu bôl mă oei lui kơ Inh noh, ăn kơ lu bôl sư mă ưh kơ lui tah tơ lăm hnam phak.

Yo 15:11

“Inh roi ăn kơ iĕm dôm tơdrong âu wă kơ iĕm chơt hiôk kư̆m thoi Inh chơt hiôk. Thoi noh na lu iĕm gô chơt hiôk tơpă.

Yo 16:4

Inh roi kơ iĕm tơdrong noh dang ei na lăp iĕm tơ'bơ̆p tơpă ning-mônh na iĕm gô 'blŏk tơdrong noh đơ̆ng Inh pơma păng iĕm dang ei. Hơdrol sơ̆ Inh ưh kơ roi tơdrong 'noh, kơlih kơ Inh oei hơdai hăm iĕm.

Rom 14:21

Tơ̆ng bơ̆n kuă kơ pơyoch 'nhŏng oh bôl buăl, lei bơ̆n 'nĕ kơ pơm minh tơdrong kiơ kiơ hli kơ sư yoch, thoi lĕ kơ sa 'nhĕm 'nhot, dah et sik, dah tơdrong kiơ kiơ nai.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.