Yo 15:7 - Sơ̆p Hlabơar Nơ̆r 'Bok Kei-Dei

⁷ “Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Yo 15:7 Iomraidhean Croise

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

Jop 22:26

Kơplah 'noh, ih gô đei tơdrong hiôk rơnŭk lăm Kră Yang Tih Hloh, ih gô hiôk ngơk muh măt tơ Kră Yang 'Bok Kei-Dei.

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 37:4

Hiôk chơt bĕ lăm Kră Yang, na Sư gô ăn kơ ih tơdrong kiơ ih 'maih wă.

Tơdrông Pơđơk 10:24

Tơdrong kiơ lu bơngai kơnê̆ hli hơmơt gô đei truh kơ sư tơpă. Mă-lei lu bơngai tơpăt gô đei thoi sư hơpơi wă.

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Mathiơ 7:7

“Krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

Yo 14:13

Dôm tơdrong iĕm apinh Inh, dah iĕm krao wơ̆n păng anăn Inh wă kơ Inh ăn kơ iĕm tơdrong kiơ Inh gô ăn kơ iĕm tơpă, wă kơ đe ư-ang 'Bă Inh, yua kơ đe 'bôh Inh Kon Sư ăn kơ iĕm dôm tơdrong iĕm apinh.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 16:23

“Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

Yo 8:31

Na Yêsu khan kơ lu bơngai Juđê mă lui kơ Sư boih: “Dah iĕm răk kiơ̆ tơdrong Inh bơtho khŏm khŏm, lei iĕm bơngai kiơ̆ Inh tơpă boih.

Yo 8:37

Inh băt mơ̆n iĕm kon sâu Abraham, mă-lei iĕm wă pơlôch Inh. Iĕm ưh kơ wă lui yom kơ Inh bơtho hơya tŏ sĕt 'biơ̆.

Galati 5:16

Na inh wă khan kơ iĕm thoi âu: Iĕm athei apinh kơdih Yang Bơhngol 'Lơ̆ng mơ̆t pơgơ̆r iĕm ling-lang. Tơdah iĕm pơm thoi noh jơhngơ̆m đon iĕm huay kơ tơchĕng pơm tơdrong kơnê̆ ôh.

Both 6:6

Lu iĕm athei chih răk lăm jơhngơ̆m lu nơ̆r mă inh đei bơtho lu iĕm năr âu.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

I Yo 2:14

Ơ lu kon hơ'lơ̆p, inh chih kơ iĕm kơlih kơ iĕm băt kơ 'Bă bơ̆n 'Bok Kei-Dei. Ơ lu mih ma duch nă, inh chih kơ iĕm kơlih kơ iĕm băt kơ Yêsu Krist mă oei arih đơ̆ng blŭng-a sơ̆. Ơ lu adruh tơdăm, inh chih kơ iĕm kơlih kơ iĕm pran kơtang. Iĕm kiơ̆ tơpă dôm nơ̆r 'Bok Kei-Dei, na yang Satan thuơ kơ iĕm boih.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

I Yo 3:22

Bơ̆n gĭt tơdrong kiơ, bơ̆n krao khan apinh 'Bok Kei-Dei, Sư gô asong ăn kơ bơ̆n tơpă, kơlih kơ bơ̆n răk dôm tơdrong Sư pơkă păng pơm trŏ dôm tơdrong thoi Sư wă.

I Yo 5:14

Păng bơ̆n gơh krao khan kơ 'Bok Kei-Dei kơlih kơ bơ̆n băt kơ Sư mơ̆ng bơ̆n tơpă dah bơ̆n apinh trŏ thoi Sư wă.