Yo 15:6 - Sơ̆p Hlabơar Nơ̆r 'Bok Kei-Dei

⁶ Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Yo 15:6 Iomraidhean Croise

II Sam 23:7

Bơngai bu hơtŭt 'bơm lu sư, athei đei tơmam hăm bơsei, dah 'long, tơju. Ŭnh sa lu sư lek hach kơtă anih noh hloi.

Jop 15:30

Sư ưh pă gơh klaih hlôi đơ̆ng măng mu; pla ŭnh gô sa pơkro tơmơ̆ng sư. Hơyuh dui jơhngơ̆m đơ̆ng 'bơ̆r Kră Yang 'Bok Kei-Dei gô pơđông lê̆ sư tơ nai.

Horiso 80:15

Tơm hơmu mă đơ̆ng ti 'ma Ih pơtăm. Mă kon tơdăm Ih đei rong bơwei kơdih boih,

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsêkiên 17:9

Ih khan bĕ kơ lu sư: ‘'Nâu nơ̆r Kră Yang Tih Hloh khan: Tơm 'long hơmu noh hăm gơh jing 'lơ̆ng ưh? Hăm trŏ sem klang gô buch rơh sư, choh tơmơ̆ng sư, wă kơ đĭ lu hla dơng jing kro? Ưh kơ kăl ti pran kư̆m ưh kơ kăl lơ bơngai wă buch rơh sư.

Mathiơ 27:5

Na Juđa năm klơ̆m lê̆ jên noh tơ hnam akŭm 'Bok Kei-Dei tơm, brŏk hrek hơlŏng pơlôch akâu sư kơdih.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Mathiơ 7:19

'Long ayơ mă ưh kơ pơjing plei 'lơ̆ng, 'long 'noh đe kăl 'buh tŭk lăm ŭnh.

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

II Pet 2:20

Bu lui kơ Kră Yang bơ̆n Yêsu Krist, 'Bok mă ăn kơ bơ̆n rơngei klaih boih đơ̆ng tơdrong đĭch ưh pă pơm thoi lu bơngai tơ ala teh, mă sư wih kiơ̆ dơ̆ng tơdrong pơm yoch, jing ưh pă kĕ lê̆, bơngai noh jing kơnê̆ hloh kơ sư tam mă lui sơ̆.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”