Yo 15:5 - Sơ̆p Hlabơar Nơ̆r 'Bok Kei-Dei

⁵ “Thoi noh na Inh wă roi kơ iĕm mă nhên dơ̆ng: Inh thoi lĕ kơ tơm 'long, iĕm thoi lĕ kơ dơng, tơ'bla, sơdrai. Bơngai bu oei kơjăp lăm Inh, Inh oei lăm sư mơ̆n, bơngai 'noh sư gô đei plei trem. Dah ưh kơ đei Inh, iĕm ưh kơ gơh pơm kiơ ôh.

Yo 15:5 Iomraidhean Croise

Tơdrông Pơđơk 11:30

Bơngai 'lơ̆ng tơpăt gô đei nhen thoi tơnơm 'long arih, Bơngai gơh hơgei đei dŏng bơhngol đe.

Hôsia 4:8

Lu sư 'me rong lu sư kơdih hăm tơdrong yoch kon pơlei Inh, lu sư hưch ham kơ tơmam sa đơ̆ng tơdrong kơnê̆ kon pơlei Inh pơm.

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 5:19

Yêsu khan kơ lu bơngai Juđê ei: “Inh khan kơ iĕm tơpăt, Inh Kon Sư ưh kơ gơh jang kiơ̆ kơ Inh ôh. Inh athei jang kiơ̆ kơ Sư đĕch. 'Bă Sư jang thoi yơ Kon Sư jang thoi noh mơ̆n.

Yo 9:33

Tơdah 'Bok noh ưh kơ lĕch đơ̆ng 'Bok Kei-Dei, lei Sư ưh kơ gơh pơm tơdrong mơsêh mơyang kiơ ôh.”

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Rom 12:5

Lu bơ̆n bơngai lui kơ Sư kư̆m thoi noh, lu bơ̆n jing minh jơhngơ̆m minh đon păng Yêsu Krist, tơduă bơ̆n kư̆m pơm minh jơhngơ̆m minh đon lei-lăi.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

I Kor 12:12

Akâu jăn kon bơngai bơ̆n đei lơ chăl, mă-lei hơdôm tŏ chăl 'noh pơjing kơ minh 'nu bơngai đĕch, thoi noh boih na đĭ-đăng lu bơ̆n bơngai lui kơ Yêsu Krist kư̆m lei-lăi thoi noh mơ̆n, bơ̆n jing minh jơhngơ̆m minh đon akŭm păng Yêsu Krist.

I Kor 12:27

Akâu bơ̆n noh wă pơtih gia kơ dôm lu bơngai mă pơgơ̆p minh jơhngơ̆m minh đon hăm Yêsu Krist, na rim kơ chăl noh pơgơ̆p jing minh pôm akâu bơngai đĕch.

II Kor 13:8

Tơ̆ng iĕm pơm 'lơ̆ng tơpăt boih, nhôn kư̆m ưh pă gơh bơtho iĕm thoi yơ dơ̆ng, nhôn pôm pơthim tơdrong rai 'lơ̆ng đĕch.

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

I Pet 2:4

Bơ̆n athei oei jê̆ Sư ling-lang, yua kơ tơdrong arih lu bơ̆n đơ̆ng Sư ăn. Sư thoi lĕ kơ tơmo đe man hnam tŭk boih; lu kon bơngai ưh kơ gĭt kơ Sư, mă 'Bok Kei-Dei gĭt kơ Sư na iŏk Sư.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.