Yo 15:3 - Sơ̆p Hlabơar Nơ̆r 'Bok Kei-Dei

³ Na dang ei iĕm thoi lĕ dơng 'long mă chăt 'lơ̆ng boih, kơlih kơ iĕm mơ̆ng dôm nơ̆r Inh bơtho.

Yo 15:3 Iomraidhean Croise

Yo 13:10

Yêsu khan: “Bơngai bu hum boih, bơngai 'noh sư rơgoh đĭ boih. Sư ưh pă kăl ôp ti 'nhao muh măt sư dơ̆ng ôh. Sư kăl pôm ôp jơ̆ng sư đĕch. Đĭ-đăng kơ iĕm rơgoh ngăl boih, pă minh 'nu ưh kơ rơgoh.”

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Yo 17:17

Apinh Ih tơbăt ăn kơ lu sư tôm tơdrong Ih, wă kơ lu sư gơh jang tơdrong Ih pran kơtang lăp đon rim lu sư kơdih kơdih, trŏ thoi Ih wă.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.