Yo 15:1 - Sơ̆p Hlabơar Nơ̆r 'Bok Kei-Dei

¹ Yêsu bơtho dơ̆ng thoi âu: “Inh âu boih thoi lĕ tơm 'long hơmu, na 'Bă Inh thoi lĕ bơngai pơtăm.

Yo 15:1 Iomraidhean Croise

Hơri Hiôk 7:12

Pơgê oei hrôih ba iung đơ̆ng tep năm tơ pơgar hơmu. Wă lăng lăng tơm hơmu tam bluh tơmơ̆ng ưh. Băt pơkao sư tam tơlang ưh, Tơm 'long gărnăt băt tam pơkao ưh. Tơ noh inh gô pơdah jơhngơ̆m inh hơyuh kơ ih.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 12:10

Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Êsêkiên 19:10

Mĕ ih thoi tơm 'long hơmu lăm pơgar, pơtăm jê̆ đak, đei dơng hla tơ'bla chăt 'lơ̆ng păng đei plei trem yua kơ pơtăm jê̆ đak.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Mathiơ 15:13

Na Yêsu pơma pơjuang kơ lu bơngai ei thoi âu: “'Long kiơ 'Bă Inh tơ plĕnh ti ưh kơ đei pơtăm, 'long noh Sư buch tŭk pơđĭ.

Mathiơ 20:1

“Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Mathiơ 21:33

Yêsu khan dơ̆ng kơ lu sư: “Apinh iĕm mơ̆ng tơdrong pơtih gia âu dơ̆ng: Đei minh 'nu bơngai pơm mir wă pơtăm plei hơmu. Sư war mir tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Markôs 12:1

'Blă kơ noh Yêsu bơtho pơtih gia kơ lu sư thoi âu: “Đei minh 'nu bơngai pơm mir wă pơtăm 'long hơmu. Sư war dur tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Luka 13:6

Yêsu pơma pơtih gia kơ tơdrong 'Bok Kei-Dei wă phak dah bơ̆n ưh kơ tơbral kơdih tơdrong yoch: “Đei minh 'nu bơngai rong minh tơnơm 'long hơra lăm pơgar sư. Na tơ'ngla sư năm chă lăng plei mă-lei 'nhŏ kơ đei.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Yo 6:32

Yêsu khan tơwih kơ lu sư: “Inh khan tơpăt wă kơ iĕm hlôh: Tơmam sa đơ̆ng plĕnh noh sơ̆ ưh kơ trŏ kơ Môis ôh ăn. 'Bă Inh ăn tơmam sa noh sơ̆. Păng 'Bă Inh ăn kơ iĕm tơmam sa, mă tơmam sa ei pha, tơmam sa ei kăl hloh tơpă gơh arih kon bơngai ling-lang,

Yo 6:55

Inh wă khan kơ iĕm dơ̆ng, sĕch akar Inh tơmam sa kon bơngai tơpă; pham Inh kư̆m đak nhă kon bơngai tơpă.

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

I Yo 2:8

Mă tơdrong inh chih pơkă kơ iĕm âu 'nao mơ̆n. Yêsu Krist răk tơdrong pơkă âu păng iĕm kư̆m răk tơdrong pơkă âu mơ̆n. Yua kơ iĕm tơm hmơm đơ̆ng măng mu mă-lei dang ei 'brưch rai wă jê̆ hơdah măt 'năr boih păng hơdah jơ̆p hloi.