Yo 14:16 - Sơ̆p Hlabơar Nơ̆r 'Bok Kei-Dei

¹⁶ na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang.

Yo 14:16 Iomraidhean Croise

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Yo 14:14

Dah iĕm krao wơ̆n păng anăn Inh, iĕm apinh Inh wă tơdrong kiơ, Inh gô ăn kơ iĕm tơpă ưh kơ jor ôh.

Yo 14:18

“Inh ưh kơ tŭk iĕm thoi kon mơti ôh. Inh gô jur tơ iĕm dơ̆ng.

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Yo 17:15

Inh ưh kơ apinh Ih iŏk lu sư đơ̆ng ala teh âu ôh, Inh apinh Ih wei-lăng lu sư mă kơjăp wă kơ lu sư hlôi đơ̆ng yang kơnê̆ Satan.

Yo 17:20

“Inh ưh kơ đei apinh Ih wă tơgŭm lu sư đĕch ôh. Inh apinh Ih tơgŭm dôm lu bơngai mă lui kơ Inh yua kơ đơ̆ng nơ̆r lu sư bơtho.

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Jang 1:4

Hơtai ei lu sư oei akŭm dih băl, Yêsu khă lu sư: “Iĕm 'nĕ tam jăk đơ̆ng Pơlei Jêrusalem, iĕm athei chang gô Yang Bơhngol 'Lơ̆ng mă đêl 'Bă Inh pơkă gô ăn kơ iĕm kư̆m thoi Inh roi kơ iĕm ki.

Jang 13:52

Gah lu bơngai lui kơ Kră Yang Yêsu tơ Pơlei Antiôs, lu sư chơt hiôk tơpă păng lu sư 'bĕnh kơ Yang Bơhngol 'Lơ̆ng. Na Yang Bơhngol 'Lơ̆ng tơgŭm lu sư ling-lang.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

II Yo 1:2

Đĭ-đăng kơ bơ̆n 'mêm mơnat dih băl kơlih kơ bơ̆n kiơ̆ tơdrong 'Bok Kei-Dei tơpă; păng bơ̆n gô kiơ̆ tơdrong Sư khŏm khŏm.