Yo 14:10 - Sơ̆p Hlabơar Nơ̆r 'Bok Kei-Dei

¹⁰ Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 14:10 Iomraidhean Croise

Yo 10:30

Nhi 'Bă Inh dang minh 'nu akâu đĕch.”

Yo 10:38

Iĕm kuă kơ lui kơ nơ̆r Inh bơtho, mă-lei iĕm athei lui kơ dôm tơdrong mơsêh mơyang Inh pơm krô hmă noh hŏ, yua kơ đơ̆ng 'Bă Inh tơpă. Dah iĕm lui iĕm gô băt tơpă 'Bă Inh oei lăm Inh, nhi 'Bă Inh minh jơhngơ̆m minh đon.”

Yo 11:26

Bơngai bu arih yua kơ sư lui kơ Inh, bơngai 'noh ưh kơ layơ lôch hiong. Ih hăm lui tơdrong 'noh?”

Yo 12:49

Yua kơ ưh kơ sĭ Inh bơtho tơdrong Inh kơdih ôh. 'Bă Inh mă wơh Inh, Sư pơkă kơ Inh bơtho thoi yơ, na Inh bơtho thoi noh mơ̆n.

Yo 14:11

Inh wă kơ iĕm lui kơ 'Bă Inh oei lăm Inh, nhi 'Bă Inh minh jơhngơ̆m minh đon. Dah iĕm ưh kơ lui, khan nơ̆r Inh pơma đĕch, lei iĕm athei lui kơ dôm tơdrong mơsêh mơyang mă đêl Inh pơm.

Yo 14:20

Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 14:24

Bơngai bu ưh kơ 'mêm kơ Inh, bơngai 'noh ưh kơ răk nơ̆r Inh. Dôm nơ̆r iĕm kơtơ̆ng Inh bơtho ưh kơ sĭ lĕch đơ̆ng Inh kơdih ôh, mă-lei lĕch đơ̆ng 'Bă Inh mă wơh Inh.

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Yo 5:19

Yêsu khan kơ lu bơngai Juđê ei: “Inh khan kơ iĕm tơpăt, Inh Kon Sư ưh kơ gơh jang kiơ̆ kơ Inh ôh. Inh athei jang kiơ̆ kơ Sư đĕch. 'Bă Sư jang thoi yơ Kon Sư jang thoi noh mơ̆n.

Yo 7:16

Yêsu khan kơ lu sư: “Tơdrong Inh bơtho âu ưh kơ sĭ lĕch đơ̆ng Inh ôh. Tơdrong âu lĕch đơ̆ng 'Bok Kei-Dei mă wơh Inh.

Yo 8:28

Kơlih kơ lu sư ưh kơ hlôh thoi noh na Yêsu wih roi dơ̆ng kơ lu sư: “Lăp đang kơ iĕm pơ̆ng pơlôch Inh Kon Bơngai ning-mônh, 'bơ̆t ei boih iĕm băt kơ Inh Kon Sư. Păng iĕm gô băt kơ Inh ưh kơ pơm kiơ̆ thoi Inh tơchĕng kơdih. Inh kơtơ̆ng Sư pơma thoi yơ, na Inh bơtho đe kư̆m thoi noh mơ̆n.

Yo 8:38

Inh roi kơ iĕm tơdrong mă Inh 'bôh kơplah Inh oei hơdai păng 'Bă Inh. Na iĕm pơm kiơ̆ iĕm kơtơ̆ng đơ̆ng 'bă iĕm.”

Yo 8:40

Mă-lei dang ei iĕm wă pơlôch Inh, sơmă Inh roi kơ iĕm tơpăt tơdrong Inh kơtơ̆ng đơ̆ng 'Bă Inh 'Bok Kei-Dei đĕch. Abraham sư ưh kơ wă pơlôch đe ôh.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Kôlôsê 1:19

yua kơ 'Bok Kei-Dei ăn kơ Sư tôm tơdrong lei-lăi thoi Sư kơdih.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

I Yo 5:7

Yang Bơhngol 'Lơ̆ng kư̆m roi kơ bơ̆n thoi noh wă kơ bơ̆n băt Yêsu Kon 'Bok Kei-Dei tơpă. Yang Bơhngol 'Lơ̆ng Sư pơma ling-lang tơpăt ngăl.