Yo 14:1 - Sơ̆p Hlabơar Nơ̆r 'Bok Kei-Dei

¹ Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Yo 14:1 Iomraidhean Croise

Horiso 43:5

Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c

Horiso 77:10

Inh khan: “Âu boih pơmat-tat kơ inh, Ti 'ma Kră Yang Tih Hloha tơplih boih.”

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Je 8:18

Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Yo 11:33

Yêsu 'bôh Mari oei hmoi ơh păng lu bơngai Juđê mă năm hơpong kơ sư kư̆m nhơ̆m hmoi mơ̆n na Yêsu sơ'ngon tơpă.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Yo 12:44

Na Yêsu bơtho 'bơ̆r re khan: “Bơngai bu lui kơ Inh, ưh kơ sĭ sư lui kơ Inh đĕch ôh, sư kư̆m lui kơ 'Bă Inh mă wơh Inh.

Yo 13:19

Inh roi kơ iĕm tơdrong sư âu hơdrol kơ sư wă plơ̆ plĕch kơ Inh, wă kơ iĕm lui kơ Inh Kră Yang tơpă.

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Yo 16:3

Lu sư gô pơm kơ iĕm thoi noh kơlih kơ lu sư ưh kơ băt kơ 'Bă Inh păng ưh kơ băt kơ Inh mơ̆n.

Yo 16:6

Iĕm sơ'ngon 'biơ̆ kơlih kơ Inh roi kơ iĕm gô đei tơdrong anat anot truh tơ iĕm.

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

II Kor 2:7

Thoi noh dang ei bơ̆n 'nĕ pă jô̆ yo kơ sư, iĕm athei dah pơlung sư đĕch hli kơ sư sơ'ngon rai dêh.

Êphêsô 1:15

Thoi noh boih na inh ling-lang krao khan bơnê kơ 'Bok Kei-Dei, yua kơ inh kơtơ̆ng đe khan iĕm oei lui kơ Kră Yang Yêsu kơjăp, hăm iĕm băt 'mêm mơnat kơ tơduă bôl buăl kon 'Bok Kei-Dei.

II Tes 2:2

Tơ pơlei iĕm đei bơngai jô̆ kơ nhôn bơtho khan năr tôch wă jê̆ truh boih. Iĕm 'nĕ kơ lui hŏ. Dah iĕm lui kơ Sư, iĕm jing hơwơ̆l kơ đon. Nhôn ưh kơ đei bơtho khan năr tôch wă jê̆ truh boih ôh. Yang Bơhngol 'Lơ̆ng ưh kơ đei pơtruh nơ̆r Sư kơ nhôn, khan năr tôch wă jê̆ truh boih ôh. Hăm nhôn ưh kơ đei chih roi lăm kơthơ nhôn ôh.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.