Yo 13:7 - Sơ̆p Hlabơar Nơ̆r 'Bok Kei-Dei

⁷ Yêsu khan: “Dang ei ih ưh kơ băt Inh wă pơm kơ kiơ, kơnh ih gô băt.”

Yo 13:7 Iomraidhean Croise

Je 32:43

Lu đe gô tĕch dah răt teh mir na lăm char 'nâu char mă ih đei khan: “Sư jing bri brah ưh kơ đei bơngai oei, kon sem brem kư̆m ưh kơ đei, đei jao boih tơ lăm ti lu bơngai Kalđê.’

Da 12:12

Pŭn hiôk dêh kơ lu bơngai bu chang gô, truh tơ minh-rơbâu pêng-hrĕng pêng-jĭt pơđăm năr!

Da 12:8

Inh, Đaniel, kơtơ̆ng dôm lu tơdrong noh, mă-lei inh ưh kơ hlôh. Păng inh khan thoi âu: Ơ! Kră Yang 'Bok Kei-Dei inh, tuch-luch kơ lu tơdrong 'nâu gô jing thoi yơ?

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Yo 13:36

Na Pêtrôs jet Sư: “Ơ 'Bok, Ih wă năm tơ yơ?” Yêsu khan: “Mă Inh năm tơ yơ, dang ei ih ưh kơ gơh kiơ̆ Inh ôh; gô ning-mônh ih gơh kiơ̆.”

Yo 13:6

Lăp truh tơ Pêtrôs, Pêtrôs jet Sư thoi âu: “Ơ 'Bok, Ih wă ôp kiơ kơ jơ̆ng inh?”

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.