Yo 13:5 - Sơ̆p Hlabơar Nơ̆r 'Bok Kei-Dei

⁵ Klaih kơ noh Sư tuh đak lăm kơthao na ôp jơ̆ng lu bơngai pơhrăm păng Sư, na sut păng kơn mă đêl Sư chô̆ 'bơ̆t rơhiĕo Sư noh.

Yo 13:5 Iomraidhean Croise

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

Bl 19:2

Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

Bl 43:24

Đơ̆ng noh năm ba lu 'nhŏng oh sư mơ̆t tơ lăm hnam Jôsep, iŏk ăn đak ôp jơ̆ng păng kư̆m hiĕm aseh lu sư sa.

II Pot 3:11

Mă-lei, Jêhôsaphat khan: “Tơ âu ưh kơ đei bơngai khan lê̆ adrol mă Kră Yang wă kơ bơ̆n gơnang kơ sư 'noh jet apinh Kră Yang tơgŭm bơ̆n hă?” Minh 'nu bơngai jang kơ pơtao đe Isơrael tơl thoi âu: “Tơ âu đei Êlisê, kon drŏ-nglo Saphat, bơngai mă đêl tuh đak ăn kơ Êli ôp ti.”

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Le 29:4

Thoi noh, ih athei chông Arôn hăm lu kon drŏ-nglo sư năm 'bơ̆t anăp 'măng Bơsŭn Anih Akŭm, ih iŏk đak tuh hum lu sư,

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Lêwi 14:8

Bơngai wă kơ đei rơgoh noh athei pih hơbĕn ao tai sư, hơkôih đĭ sŏk sư, hum lăm đak na sư gơh rơgoh, đơ̆ng noh sư gơh mơ̆t lăm kơđông, mă-lei gô oei 'nguaih kơ bơsŭn lăm tơpơh năr.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Luka 7:44

Đơ̆ng noh na Yêsu hue tơ bơngai drŏ-kăn noh khan hloi kơ Simôn: “Ih lăng bơngai drŏ-kăn âu. Lăp Inh mơ̆t tơ hnam ih, ih ưh kơ ăn kơ Inh đak wă ôp jơ̆ng Inh ôh, mă-lei sư âu ôp jơ̆ng Inh păng đak măt sư păng sut pơhrĕng păng sŏk sư kơdih.

Yo 13:10

Yêsu khan: “Bơngai bu hum boih, bơngai 'noh sư rơgoh đĭ boih. Sư ưh pă kăl ôp ti 'nhao muh măt sư dơ̆ng ôh. Sư kăl pôm ôp jơ̆ng sư đĕch. Đĭ-đăng kơ iĕm rơgoh ngăl boih, pă minh 'nu ưh kơ rơgoh.”

Yo 13:6

Lăp truh tơ Pêtrôs, Pêtrôs jet Sư thoi âu: “Ơ 'Bok, Ih wă ôp kiơ kơ jơ̆ng inh?”

Yo 13:8

Pêtrôs khan: “Inh ưh kơ hơnhŏ Ih ôp jơ̆ng inh na inh ưh kơ layơ ăn Ih ôp jơ̆ng ôh.” Yêsu khan: “Dah Inh ưh kơ ôp jơ̆ng ih, lei ih ưh pă pơm jơ̆ng 'bang Inh boih.”

Yo 19:34

Mă-lei minh 'nu linh iŏk tơju 'bet rơhiĕo Yêsu, na pham păng đak lĕch đơ̆ng rơka Sư.

Jang 22:16

Na dang ei ih gô kiơ? Ih iung wăi, năm iŏk 'batem, krao khan kơ Yêsu wă kơ ih klaih đơ̆ng tơdrong yoch.’

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 5:6

Yêsu Krist jur tơ ala teh âu Sư iŏk 'batem hăm đak păng Sư lôch tuh pham yua kơ bơ̆n, ưh kơ sĭ tơdrong iŏk 'batem đĕch ôh, tơdrong Sư tuh pham yua kơ bơ̆n mơ̆n.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

Lu 19:21

Bơngai kră ei pơtơm lu sư mơ̆t lăm hnam sư, ăn kơ aseh iĕ sa, đang kơ noh lu sư ôp hơrao jơ̆ng ti, sŏng sa.

I Sam 25:41

Abigail, drap kơkuh hloi, na khan: Inh âu wă pơm đĭch đam Đawit pơm bơngai ôp jơ̆ng yŏng tơ'ngla inh.