Yo 13:4 - Sơ̆p Hlabơar Nơ̆r 'Bok Kei-Dei

⁴ Na kơplah noh Yêsu iung plôh ao 'ngoaih Sư păng iŏk kơn chô̆ 'bơ̆t rơhiĕo Sư kơdih.

Yo 13:4 Iomraidhean Croise

II Pot 3:11

Mă-lei, Jêhôsaphat khan: “Tơ âu ưh kơ đei bơngai khan lê̆ adrol mă Kră Yang wă kơ bơ̆n gơnang kơ sư 'noh jet apinh Kră Yang tơgŭm bơ̆n hă?” Minh 'nu bơngai jang kơ pơtao đe Isơrael tơl thoi âu: “Tơ âu đei Êlisê, kon drŏ-nglo Saphat, bơngai mă đêl tuh đak ăn kơ Êli ôp ti.”

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 17:7

“Pơtih gia iĕm đei đĭch jang choh mir dah wei triu iĕm. Lăp sư wih đơ̆ng mir na iĕm hăm lah khan kơ sư: ‘Năm jah sa mơh e wă?’

Luka 17:8

Yŏng ưh kơ lah thoi noh ôh. Mă-lei yŏng juăt khan kơ đĭch sư thoi âu: ‘E hơmet kơ inh tơmam sa 'mơ̆i, đơ̆ng noh na e pôk kơ inh. Gô inh sa đang 'mơ̆i na e gơh sa.’

Luka 22:27

Bơngai bu tih hloh kơ bre sư, bơngai mă awih awăn kơ yŏng sư sa noh, dah yŏng sư tih hloh? Yŏng sư boih tih hloh kơ đĭch sư. Mă-lei kơplah Inh oei hơdai păng lu iĕm, Inh dang đĭch awih awăn kơ iĕm.

Yo 13:12

Sư ôp tôm kơ jơ̆ng lu sư boih, na Sư iŏk hrŭk ao 'ngoaih Sư, na wih tơ anih Sư. Lăm anih Sư ei Sư jet lu đe ei: “Iĕm hăm hlôh Inh pơm kiơ kơ iĕm thoi noh hei?

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

I Yo 3:11

Kư̆m thoi iĕm kơtơ̆ng đe bơtho iĕm đơ̆ng blŭng-a sơ̆ thoi âu: Bơ̆n athei 'mêm mơnat dih băl.