Yo 13:23 - Sơ̆p Hlabơar Nơ̆r 'Bok Kei-Dei

²³ Minh 'nu bơngai pơhrăm păng Sư mă Sư 'mêm kơeng tơpă, sư oei jê̆ Yêsu.

Yo 13:23 Iomraidhean Croise

II Sam 12:3

Bơngai dơnuh ưh kơ đei kiơ, sư đei lăp minh pôm triu akăn iĕ mă đơ̆ng sư răt; sư rong răi kon triu noh wơ̆ tih hơdai hăm kon hơ'lơ̆p sư tơ lăm hnam sư, kon triu iĕ noh sŏng sa hơdai sư, nhă đak minh pôm pơnhan hăm sư păng tep hăm sư. Sư lăng thoi minh 'nu kon drŏ-kăn sư kơdih.

I Pot 4:5

Asaria kon drŏ-nglo Nathan pơm 'bok pơgơ̆r lu yŏng linh Sahut kon drŏ-nglo Nathan pơm 'bok kơiĕng păng buăl pơtao.

Luka 16:22

Đơ̆ng rŏng kơ noh bơngai dơnuh ei lôch, na linh jang 'lơ̆ng 'Bok Kei-Dei atŏk sư tơ kơpal plĕnh ti. Sư oei jê̆ Abraham 'bơ̆t lu sư oei sŏng sa tơ plĕnh ti. Bơngai mơdrŏng ei kư̆m lôch mơ̆n na đe 'bŭ sư.

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 11:3

Na 'bar 'nu bre mai oh ei wơh đe năm tơ Yêsu khan thoi âu: “Ơ 'Bok, Lasarơ mă Ih 'mêm kơeng, sư oei păn kơ jĭ.”

Yo 11:36

Thoi noh na lu bơngai Juđê khan: “Yêsu 'mêm kơ Lasarơ tơpă.”

Yo 11:5

Yêsu 'mêm tơpă kơ Mathê, Mari păng 'nhŏng sư Lasarơ.

Yo 13:24

Na Pêtrôs jet bơngai ei khan: “Yêsu khan ei bu wă plơ̆ plĕch kơ Sư?”

Yo 13:25

Na bơngai ei rĭ jê̆ Yêsu na pơma jet Yêsu: “Ơ 'Bok, bu wă plơ̆ plĕch kơ Ih ei?”

Yo 19:26

Yêsu 'bôh mĕ Sư păng bơngai pơhrăm păng Sư mă Sư 'mêm. Sư khan kơ mĕ Sư thoi âu: “Ơ duch, 'noh kon ih.”

Yo 20:2

Thoi noh sư kơdâu năm tơ Pêtrôs hăm bơngai pơhrăm nai dơ̆ng, bơngai mă Yêsu 'mêm păng sư akhan thoi âu: “Yŏng bơ̆n Yêsu, đe iŏk tơ nai boih, mă-lei nhôn ưh kơ băt đe 'măn Sư tơ yơ ôh.”

Yo 21:20

Pêtrôs glĕch lăng na 'bôh hloi minh 'nu bơngai kiơ̆ bre sư, bơngai pơhrăm mă Yêsu 'mêm kơeng, bơngai mă sư oei jê̆ Yêsu, jet Yêsu ki, sư khan: “Ơ 'Bok, bu wă plơ̆ plĕch kơ Ih?” Sư jet noh 'bơ̆t kơplah sŏng sa ki.

Yo 21:24

Dôm nơ̆r pơma âu đơ̆ng bơngai pơhrăm păng Yêsu ei, bơngai mă Sư 'mêm kơeng. Sư chih roi ăn kơ bơ̆n lăm sơ̆p hla bơar âu. Păng bơ̆n kư̆m băt dôm tơdrong sư chih pơma tơpăt ngăl.

Yo 21:7

Bơngai pơhrăm păng Yêsu mă Sư 'mêm kơeng tơpă, sư khan kơ Pêtrôs: “'Noh Kră Yang bơ̆n Yêsu.” Lăp Pêtrôs kơtơ̆ng thoi noh boih na sư hrŭk ao sư hloi, yua kơ kơplah sư oei traih jal hei sư ưh kơ hrŭk ao. Hrŭk ao đang boih na sư kơtah hloi tơ đak năm tơkan hloi tơ Yêsu. Thŏng-nan ataih kơ jih đak ei dang minh-hrĕng thưk.