Yo 13:2 - Sơ̆p Hlabơar Nơ̆r 'Bok Kei-Dei

² Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 13:2 Iomraidhean Croise

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Ne 2:12

Inh păng lu bơngai kiơ̆ inh, lu nhôn iung yak kơmăng, inh ưh kơ đei roi kơ bu băt ôh tơdrong Kră Yang 'Bok Kei-Dei ăn lăm jơhngơ̆m inh, tơdrong jang tơ pơlei Jêrusalem, inh hao aseh lu bơngai kiơ̆ inh yak năm jơ̆ng hoh.

Mathiơ 10:4

Simôn mă kiơ̆ khŭl đe Sêlôt sơ̆ hăm Juđa Ikariôt, bơngai mă plơ̆ plĕch kơ Yêsu.

Luka 22:3

Kơplah noh yang Satan mơ̆t lăm jơhngơ̆m Juđa mă đe kư̆m anăn Ikariôt, bơngai minh 'nu đơ̆ng lăm mơjĭt-'bar 'nu bơngai pơhrăm păng Yêsu.

Luka 22:31

“Ơ Pêtrôs, ih mơ̆ng Inh 'biơ̆ bĕ. Yang Satan apinh 'Bok Kei-Dei wă pơlong lăng tơdrong lui lu iĕm thoi lĕ đe wă um 'ba.

Yo 13:11

Yêsu băt boih gah bơngai wă plơ̆ plĕch kơ Sư. Kơlih kơ thoi noh Sư khan: “Pă minh 'nu ưh kơ rơgoh.”

Yo 13:4

Na kơplah noh Yêsu iung plôh ao 'ngoaih Sư păng iŏk kơn chô̆ 'bơ̆t rơhiĕo Sư kơdih.

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Tơdrông Tơ'bôh 17:17

Tơdrong lu sư blah bơngai drŏ-kăn noh 'Bok Kei-Dei lăp đon mơ̆n, yua kơ 'Bok Kei-Dei ăn kơ lu sư pơm pôm đon thoi noh, na lu sư pơjao ăn kơ sem mă kơnê̆ noh pơgơ̆r gô mơ̆ng kơ 'Bok Kei-Dei wă dang yơ.