Yo 13:10 - Sơ̆p Hlabơar Nơ̆r 'Bok Kei-Dei

¹⁰ Yêsu khan: “Bơngai bu hum boih, bơngai 'noh sư rơgoh đĭ boih. Sư ưh pă kăl ôp ti 'nhao muh măt sư dơ̆ng ôh. Sư kăl pôm ôp jơ̆ng sư đĕch. Đĭ-đăng kơ iĕm rơgoh ngăl boih, pă minh 'nu ưh kơ rơgoh.”

Yo 13:10 Iomraidhean Croise

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Hơri Hiôk 4:7

Ơ bơngai mă inh hơyuh, ih 'lơ̆ng hơiă tôm tĕch. Akâu ih ưh kơ đei 'bơ̆t ayơ mă kơnê̆.

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Lêwi 16:26

Bơngai mă dui tơlĕch bơbe tơno gah pŭ tơdrong yoch kon pơlei athei pih hơbĕn ao sư păng hum lăm đak, đơ̆ng noh sư gơh brŏk mơ̆t tơ gơđông.

Lêwi 16:28

Bơngai mă soh athei pih hơbĕn ao sư păng hum; đơ̆ng noh na gơh brŏk mơ̆t tơ gơđông.

Mathiơ 6:12

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 13:9

Na Pêtrôs khan: “Ơ 'Bok, lei ưh kơ sĭ Ih ôp jơ̆ng inh đĕch ôh, Ih ôp tôm kơ jơ̆ng ti muh măt inh hloi.”

Yo 15:3

Na dang ei iĕm thoi lĕ dơng 'long mă chăt 'lơ̆ng boih, kơlih kơ iĕm mơ̆ng dôm nơ̆r Inh bơtho.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.