Yo 12:5 - Sơ̆p Hlabơar Nơ̆r 'Bok Kei-Dei

⁵ “Pơgang 'bâu phu âu kăp pêng-hrĕng hlak jên hu. Lơliơ sư ưh kơ wă tĕch chă jên asong kơ lu bơngai dơnuh hin?”

Yo 12:5 Iomraidhean Croise

Esơra 4:14

Yua kơ lu nhôn đei sa yua đơ̆ng hnam pơtao ih păng lu nhôn 'maih wă lăng hă tơdrong răm gô truh kơ ih thoi noh, lei na lu nhôn wơh bơngai năm roi ăn kơ ih băt,

Le 5:17

Mă-lei pơtao tơl: Lu iĕm bơngai răm alah, lu bơngai alah! Na hrăn apinh. Ăn kơ lu nhôn năm kơkuh kơ Kră Yang!

Le 5:8

Mă-lei lu iĕm athei hơgăt pơm mă tôm dôm kơsô̆ thoi so, 'nĕ kơ tơjur hơtŭch kơ so; yua kơ lu sư alah dêh, lu sư chă đon krao ôr khan: Bĕ bơ̆n! Năm pơyơ̆r kơkuh kơ Kră Yang 'Bok Kei-Dei bơ̆n.

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Mathiơ 18:28

Bơngai mă hre kơ 'bok pơtao noh brŏk tơ hnam, sư tơ'bơ̆p minh 'nu bôl sư kư̆m jang kơ 'bok pơtao. Bôl sư hre kơ sư lăp minh hlak jên hu đĕch, mă-lei sư pơplŏng rôp ket ako bôl sư păng khan: ‘Duh tôm bĕ na inh achăng.’

Mathiơ 20:2

Sư chă đei boih na sư pơma tơdrong jên kơ lu bơngai wă jang kơ sư, minh năr minh hlak jên so sơ̆. Đơ̆ng noh na lu đe ei năm jang tơ mir hơmu sư.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 18:22

Yêsu kơtơ̆ng thoi noh na Sư khan: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ Inh hloi. Thoi noh na ih gô đei mŭk tơmam tơ kơpal plĕnh ti ning-mônh.”

Luka 6:41

“Lơliơ iĕm jô̆ kơ đe đei tơdrong yoch mă iĕm đei tơdrong yoch tih hloh kơ đe dơ̆ng, dang iĕm 'bôh 'bruih iĕ đom lăm klong măt 'nhŏng oh iĕm, mă iĕm ưh kơ mơn kơ 'long tih oei đom lăm klong măt iĕm kơdih?

Yo 12:4

Na Juđa đơ̆ng Pơlei Ikariôt bơngai pơhrăm păng Yêsu mơ̆n, mă sư wă plơ̆ plĕch kơ Yêsu đơ̆ng rŏng kơ noh, sư khan:

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Yo 13:29

Yua kơ Juđa wei-lăng kơdŭng jên lu sư, na lu mơ'nah ngêh kơ Yêsu khan kơ sư năm răt tơmam sa, hiă wă sa lăm năr giĕng ei thâu, dah mơnat ăn kơ bơngai dơnuh kơlĕ.

Yo 6:7

Philip khan: “Mă 'bar-hrĕng hlak jên hu kư̆m tam mah 'mơ̆i răt tơmam sa kơ lu sư, rim 'nu sa pơgia đĕch kư̆m ưh tam mah mơ̆n.”