Yo 12:40 - Sơ̆p Hlabơar Nơ̆r 'Bok Kei-Dei

⁴⁰ “Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Yo 12:40 Iomraidhean Croise

I Pot 22:20

Kră Yang jet: ‘Bu gô năm pơhlŭ Ahap, wă kơ sư tŏk tơ Pơlei Ramôt Gileat, na pơ̆k lôch tơ noh?’ Đei mơ'nah tơl khan thoi âu, đei mơ'nah khan thoi noh.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Horiso 41:4

Inh khan: “Ơ Kră Yang! Apinh Ih mơnat kơ inh, pơklaih bơhngol inh, yua kơ inh pơm yoch boih hăm Ih.”

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Le 10:1

Kră Yang khan kơ Môis, năm bĕ tơ Pharaôn yua kơ Inh pơm kơ sư păng lu bơngai bơ̆jang kơ sư đei jơhngơ̆m arăng, wă kơ Inh pơm tơ'bôh dôm tơdrong mơsêh Inh tơ lăm lu sư,

Le 11:10

Môis păng Arôn pơm tơdrong mơsêh 'nâu 'bơ̆t anăp Pharaôn; mă-lei yua kơ Kră Yang pơm kơ Pharaôn arăng kơ̆l, na sư ưh achăng lê̆ kon pơlei Isơrael năm lĕch đơ̆ng dêh sư.

Le 14:17

Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư.

Le 14:4

Inh gô pơm kơ Pharaôn arăng kơ̆l ưh kơ chu, sư gô druh kon pơlei Isơrael Inh gô đei ư-ang yua kơ đơ̆ng Pharaôn păng lu linh sư; na bơngai Êyiptơ gô băt Inh bơih Kră Yang. Kon pơlei Isơrael mă pơm thoi noh.

Le 14:8

Kră Yang pơm kơ Pharaôn pơtao dêh Êyiptơ, arăng kơ̆l, druh kon pơlei Isơrael; mă-lei kon pơlei Isơrael nuih yak năm tơpăt tơ anăp hloi.

Le 4:21

Kră Yang khan kơ Môis: Mưh wih tơ dêh Êyiptơ, kơchăng kơ tơdrong mơsêh hlĭch Inh đei pơjao 'bơ̆t ti ih mă ih pơm 'bơ̆t anăp Pharaôn; mă-lei Inh gô pơm ăn kơ sư arăng kơ̆l ưh kơ ăn kon pơlei năm.

Le 7:13

Thoi noh ră mă-lei jơhngơ̆m Pharaôn oei ưh kơ chu, ưh kơ mơ̆ng Môis păng Arôn, lei-lăi thoi nơ̆r Kră Yang khan lê̆ adrol.

Le 7:3

Inh gô pơm ăn kơ Pharaôn jơhngơ̆m arăng ưh kơ chu păng Inh pơthim lơ tơdra mơsêh hlĭch chrơp Inh tơ lăm dêh Êyiptơ.

Le 9:12

Kră Yang pơm kơ Pharaôn, arăng kơ̆l ưh kơ chu mơ̆ng Môis păng Arôn. Trŏ thoi nơ̆r Kră Yang khan bơih kơ Môis.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 53:5

Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Êsai 6:9

Kră Yang khan: “Năm bĕ! Khan kơ kon pơlei 'nâu: ‘Mơ̆ng, mă-lei ưh kơ hlôh kiơ: Lăng 'bôh mă-lei ưh kơ băt kiơ.’

Je 3:22

“Ơ lu kon pơlei ưh kơ tơpăt, brŏk bĕ! Inh gô pơklaih tơdrong kơnê̆ lu iĕm.” “Âu, lu nhôn gô brŏk tơ Ih, Ih boih Kră Yang 'Bok Kei-Dei lu nhôn.

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Markôs 4:12

‘Wă kơ sư lăng khŏm khŏm ră, mă-lei ưh kơ 'bôh tơdrong kiơ; wă kơ sư mơ̆ng khŏm khŏm ră mă-lei ưh kơ hlôh. Dah sư hlôh kơnh sư gơh tơchĕng kơdih băt wih tơ 'Bok Kei-Dei, 'Bok Kei-Dei gô pơklaih đĭ dôm tơdrong yoch sư.’ ”

Markôs 6:52

Lu sư ưh kơ pơwao Yêsu gơh pơm tôm tơdrong thoi lĕ kơ 'bĕng mi Sư pơm mă hơdrol hei. Lu sư ưh kơ pơwao kơlih kơ lu sư kơhlôh.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Luka 8:10

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Inh bơtho lu bơngai nai tơdrong noh Inh yua nơ̆r pơjuang ngăl, wă kơ sư lăng khŏm khŏm ră mă-lei ưh kơ 'bôh tơdrong kiơ, wă kơ sư mơ̆ng khŏm khŏm ră mă-lei ưh kơ hlôh.”

Yo 12:39

Lu sư ưh kơ lui kơlih kơ Êsai đei khan lê̆ thoi âu:

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 28:26

Êsai khan thoi âu: ‘'Bok Kei-Dei khan kơ inh: Ih năm bơtho lu bơngai âu khan: Iĕm mơ̆ng inh bơtho khŏm khŏm ră, mă-lei iĕm ưh kơ hlôh; măt iĕm lăng khŏm khŏm ră mă ưh kơ 'bôh tơdrong kiơ.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Rom 9:18

'Noh bơ̆n băt kơ 'Bok Kei-Dei Sư wă 'mêm kơ bu gô mơ̆ng kơ Sư wă đĕch. Na tơdrong Sư wă ăn kơ đe arăng kơ̆l kư̆m lei-lăi, gô mơ̆ng kơ Sư wă.

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.