Yo 12:36 - Sơ̆p Hlabơar Nơ̆r 'Bok Kei-Dei

³⁶ Na Inh âu boih tơdrong hơdah pơchrang ăn kơ iĕm, na iĕm jah lui kơ Inh bĕ, na iĕm oei lăm tơdrong hơdah ling-lang.” Đang Sư bơtho thoi noh boih na Sư weh ôn tơ anih nai.

Yo 12:36 Iomraidhean Croise

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Mathiơ 21:17

Klaih kơ noh Sư sơlah đơ̆ng lu đe noh năm tơ Pơlei Bethani 'bĭch tơ ei.

Mathiơ 5:14

“Lu iĕm thoi lĕ kơ hơdah jơ̆p kơ kon bơngai lăm teh đak, thoi minh pôm pơlei oei kơpal kông ưh kơ đei layơ hlơp.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Yo 1:7

wă kơ Yôhan pơtruh kơ đe tơdrong bơngai pơchrang hơdah ei. Yôhan pơtruh kơ đe tơdrong bơngai hơdah ei wă kơ đĭ-đăng bơngai lui kơ bơngai mă pơchrang hơdah ei.

Yo 11:54

Kơlih kơ thoi noh na Yêsu ưh pă wă năm trong 'ngoaih tơ'bôh akâu Sư tơ lăm dêh Juđê dơ̆ng boih. Sư năm đơ̆ng Pơlei Jêrusalem truh tơ jih glă. Tơ ei Sư oei tơ Pơlei Êpraim hơdai hăm lu bơngai pơhrăm păng Sư.

Yo 12:37

Yêsu pơm lơ tơdrong mơsêh mơyang 'bơ̆t anăp lu sư ră, mă-lei lu sư ưh kơ lui kơ Sư.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Yo 3:21

Mă-lei dah bu pơm tơpăt, sư ưh kơ hli năm jê̆ tơdrong hơdah păng wă kơ đe 'bôh dôm tơdrong tơpăt sư pơm đơ̆ng 'Bok Kei-Dei ăn kơ sư.”

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

I Tes 5:5

Bơ̆n oei lăm hơdah măt 'năr.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.