Yo 12:32 - Sơ̆p Hlabơar Nơ̆r 'Bok Kei-Dei

³² Lăp đe atol Inh na Inh gô dui iŏk đĭ-đăng bơngai năm tơ Inh ngăl.”

Yo 12:32 Iomraidhean Croise

II Sam 18:9

Lu đĭch đam Đawit tơ'bơ̆p Apsalôm sư hao aseh iĕ. Aseh iĕ mơ̆t lăm ala dơng 'long kôih tơ'bla prêu prao, kơ̆l Apsalôm đom lăm sơlam dơng 'long, păng sư đom hơtol tơ kơpal dơng kơjung, na aseh iĕ đêl sư hao oei nơnăm.

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Hôsia 11:4

Inh đei yua boih tơdrong mơnat thoi tơlei akar, păng yua tơlei tơ̆n akar tơdrong 'mêm dui lu sư. Inh plôh lê̆ boih 'long ăt trăp đơ̆ng hơko lu sư, păng drap pôk ăn tơmam sa 'me 'bơ̆t 'bơ̆r lu sư.

Jo 21:9

Thoi ei, Môis pơm minh dăng rup 'bih tang hling hăm kong, na tơ'băk tơ tơ̆r 'long gơgiĕr; bơngai bu mă 'bih choh sư boih, sư lăng tơ 'bih kong noh lei sư arih.

Yo 1:7

wă kơ Yôhan pơtruh kơ đe tơdrong bơngai pơchrang hơdah ei. Yôhan pơtruh kơ đe tơdrong bơngai hơdah ei wă kơ đĭ-đăng bơngai lui kơ bơngai mă pơchrang hơdah ei.

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Yo 18:32

Tơdrong pơma 'noh 'blep trŏ thoi Yêsu khan lê̆ hơdrol, Sư wă lôch tơ 'long pơglang.

Yo 19:17

Yêsu tôi ba 'long pơglang kơdih Sư, năm tơ anih đe anăn kông kơting kơ̆l bơngai lôch. Nơ̆r Juđê khan, Gôlgôtha.

Yo 3:14

“Na tơ char glă sơ̆ ki sơ̆ kach Môis pơm minh dăng 'bih păng mam kong, sư tơ'băk 'bih ei kơpal 'long wă kơ đe lăng 'bih ei na huay kơ lôch đơ̆ng 'bih choh. Kư̆m thoi noh mơ̆n đe gô atŏk Inh Kon Bơngai tơ 'long pơglang tơpă ning-mônh.

Yo 6:44

'Bă Inh athei Inh truh tơ âu, na ưh kơ đei bu truh tơ Inh ôh, dah 'Bă Inh ưh kơ ăn lu sư truh. Bơngai bu mă 'Bă Inh ăn truh tơ Inh, lu bơngai 'noh đĕch truh tơ Inh, na Inh gô tơiung arih lu sư năr tôch ning-mônh.

Yo 8:28

Kơlih kơ lu sư ưh kơ hlôh thoi noh na Yêsu wih roi dơ̆ng kơ lu sư: “Lăp đang kơ iĕm pơ̆ng pơlôch Inh Kon Bơngai ning-mônh, 'bơ̆t ei boih iĕm băt kơ Inh Kon Sư. Păng iĕm gô băt kơ Inh ưh kơ pơm kiơ̆ thoi Inh tơchĕng kơdih. Inh kơtơ̆ng Sư pơma thoi yơ, na Inh bơtho đe kư̆m thoi noh mơ̆n.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

I Tim 2:6

Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.