Yo 12:3 - Sơ̆p Hlabơar Nơ̆r 'Bok Kei-Dei

³ Mari chĕp minh gŏl đak pơgang 'bâu phu. Pơgang ei đe gĭt tơpă dang minh puăt kilô. Na Mari tuh 'bơ̆t jơ̆ng Yêsu; sư sut jơ̆ng Yêsu hăm sŏk sư kơdih na pơgang ei 'bâu jơ̆p-jang lăm hnam.

Yo 12:3 Iomraidhean Croise

Horiso 132:2

Sư đei pơkăm hăm Kră Yang. Păng pơkă hăm Kră Yang mơsêh mơyang Jakôp:

Tơdrông Pơđơk 27:16

Bu wă khă sư, thoi khă kial, Kŭm thoi tơpang ti 'ma rôp kơđôp rơmă.

Hơri Hiôk 1:12

Kơplah pơtao oei 'bơ̆t tang-dŏ wă sŏng sa, 'Bâu phu jơ̆p-jang pơgang đơ̆ng inh pik.

Hơri Hiôk 1:3

Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

Hơri Hiôk 4:10

Ơ mŏ adruh inh, ŭnh om inh! Tơdrong hơyuh ih 'lơ̆ng 'ngam hloh kơ sik hơmu. 'Bâu phu đak pơgang đơ̆ng ih 'bâu 'lơ̆ng hloh kơ lu tơmam 'bâu phu nai!

Luka 10:42

Đei minh tơdrong mơ̆ng nơ̆r 'Bok Kei-Dei đĕch kăl. Mari sư wă kơ mơ̆ng tơdrong 'Bok Kei-Dei na Inh ưh kơ wă achăng sư ôh.”

Luka 7:46

Ih kư̆m ưh kơ pik đak yâu tơ kơ̆l Inh wă pơhiôk Inh ôh, mă-lei sư âu tuh đak pơgang 'bâu phu tơ jơ̆ng Inh.

Yo 11:2

Mari âu mă tuh đak pơgang 'bâu phu kơ jơ̆ng Yêsu păng iŏk sŏk sư kơdih sut kơ jơ̆ng Yêsu. Na dang ei 'nhŏng sư Lasarơ oei păn kơ jĭ.

Yo 11:28

Đang kơ pơma thoi noh Mathê năm krao oh sư Mari. Sư khan kơ oh sư kơdrô̆ bre sư thoi âu: “'Bok Thây truh tơ âu boih păng Sư wă kơ e.”

Yo 11:32

Mari năm truh tơ anih Yêsu na 'bôh hloi Sư. Mari bon hloi 'bơ̆t anăp Sư kơkuh kơ Sư păng khan: “Ơ 'Bok, dah Ih tơ âu ki lei 'nhŏng inh huay kơ lôch ôh.”

Yo 19:39

Nikôđem, 'bok mă đêl năm ngôi tơ Yêsu kơmăng sơ̆, sư kư̆m năm hơdai păng Yôsep mơ̆n. Sư chĕp ba dang pơđăm-jĭt kilô pơgang 'bâu phu.