Yo 12:26 - Sơ̆p Hlabơar Nơ̆r 'Bok Kei-Dei

²⁶ Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 12:26 Iomraidhean Croise

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Tơdrông Pơđơk 27:18

Bơngai bu bơwei tơm hơra, gô sa plei sư; Bu chu bơwei yŏng sư, đe gô pơyom.

Jo 14:24

Mă-lei Kalep buăl Inh, chu kiơ̆ lui ngeh kơ nơ̆r Inh tơpă ưh kơ wă kiơ̆ nơ̆r lu đe, na Inh gô chông ba ăn kơ sư mơ̆t lăm char noh, char mă đêl sư đei năm boih, ăn kơ lu adrĕch adrung sư oei jang sa tơ noh.

Jo 32:11

Lu bơngai mă lĕch đơ̆ng dêh char Êyiptơ, iŏk đơ̆ng 'bar-jĭt sơnăm tơ kơpơ̆ng, gô ưh kơ 'bôh ôh dêh char mă Inh đei pơkă pơ'ngam wă ăn kơ Abraham, Isăk, Jakôp, yua kơ lu bơngai noh ưh kơ kiơ̆ Inh tơnăp,

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Markôs 8:34

Yêsu krao bơngai tơpôl lơ păng lu bơngai pơhrăm păng Sư mơ̆n năm tơ Sư. Na Sư khan: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 6:46

“Yua kơ kiơ iĕm krao Inh Yŏng iĕm, mă-lei iĕm kuă kơ pơm kiơ̆ kơ đon Inh bơtho?

Luka 9:23

Na Yêsu khan kơ bơngai tơpôl lơ mă năm mơ̆ng Sư: “Dah bơngai bu wă kiơ̆ Inh, sư athei tŭk đĭ dôm tơdrong sư kơdih na rim năr sư athei tôi kơdih 'long pơglang chu lôch yua kơ wă kiơ̆ Inh.

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 14:3

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Yo 21:22

Yêsu khan kơ sư: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet? Ih kư̆ lui kơ Inh đĕch.”

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Rom 14:18

Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

II Kor 5:8

Dang ei jơhngơ̆m nhôn oei hiôk ling-lang chang dah oei hơdai Kră Yang Yêsu Krist hiôk-hian ling-lang.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Kôlôsê 3:24

Tơdrong iĕm jang gô đei sa apah, ưh kơ sĭ iĕm jang hoh hoh đĕch ôh. Iĕm jang tơdrong Yŏng bơ̆n Yêsu Krist na Sư gô ăn kơ iĕm dôm tơdrong hiôk 'lơ̆ng mă Sư wă ăn kơ dôm lu kon 'Bok Kei-Dei.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.