Yo 11:52 - Sơ̆p Hlabơar Nơ̆r 'Bok Kei-Dei

⁵² Mă tơpă ưh kơ sĭ Sư lôch tang lu bơngai Juđê đĕch ôh. Sư lôch tang đĭ-đăng dôm lu kon 'Bok Kei-Dei oei jơ̆p-jang ala teh âu.

Yo 11:52 Iomraidhean Croise

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 22:15

Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Êsai 60:4

Ngơk bĕ muh măt ih păng lăng. Đĭ-đăng lu sư akŭm băl wă năm tơkan tơ ih. Lu kon drŏ-nglo ih gô tơkan đơ̆ng ataih; lu kon drŏ-kăn ih đe gô kơ'mĭn glơng tơ ti.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Luka 15:8

“Pơtih gia dơ̆ng, minh 'nu bơngai drŏ-kăn, sư đei mơjĭt hlak jên hu. Dah sư hiong minh hlak lăm hnam, hăm trŏ kơ sư tơ̆k ŭnh kơđeng na sơpuih chă khŏm khŏm tơ̆p mă 'bôh 'mơ̆i?

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Yo 1:12

Na dôm lu bơngai mă sơng iŏk Sư tơpă păng dôm lu bơngai lui kơ Sư, Sư ăn kơ lu bơngai 'noh jing kon 'Bok Kei-Dei.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Yo 12:32

Lăp đe atol Inh na Inh gô dui iŏk đĭ-đăng bơngai năm tơ Inh ngăl.”

Jang 18:10

Yua kơ Inh oei hơdai păng ih ling-lang ưh kơ đei bu gơh pơrăm ih ôh, yua kơ đei lơ bơngai lăm pơlei âu gô lui kơ Inh.”

Rom 3:29

Bĭ iĕm tơchĕng thoi yơ, 'Bok Kei-Dei Sư Kră Yang lu bơngai Juđê đĕch dah lu bơngai nai hai? Sư Kră Yang lu bơngai nai hai mơ̆n.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

Êphêsô 1:5

Sư 'mêm kơ bơ̆n đơ̆ng blŭng-a sơ̆ boih, Sư khan lu bơ̆n gô jing kon Sư yua kơ Sư ăn Yêsu lôch tang bơ̆n tơ 'long pơglang.

Êphêsô 3:11

Dôm tơdrong Sư wă tơgŭm bơ̆n Sư tơchĕng đơ̆ng blŭng-a sơ̆ boih, na dang ei 'blep kơ Kon Sư Kră Yang bơ̆n Yêsu Krist jur tơgŭm lu bơ̆n thoi noh tơpă.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

I Pet 1:1

Inh Pêtrôs jơ̆ng 'bang Yêsu Krist chih hơpong kơ lu kon 'Bok Kei-Dei mă oei tơklah jơ̆p kơ dêh tơmoi: Tơ dêh Pôntơ, dêh Galati, dêh Kapadôs, dêh Asi păng dêh Bithini.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

I Yo 3:1

'Bă bơ̆n 'Bok Kei-Dei 'mêm mơnat kơ bơ̆n tơpă na Sư mah krao bơ̆n kon Sư. Bơ̆n jing kon Sư tơpă. Na kon bơngai ala teh âu ưh kơ băt kơ bơ̆n bơngai thoi yơ ôh kơlih kơ sư ưh kơ băt kơ 'Bă bơ̆n 'Bok Kei-Dei.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.