Yo 11:51 - Sơ̆p Hlabơar Nơ̆r 'Bok Kei-Dei

⁵¹ 'Bok Kaiphe pơma tơdrong 'noh ưh kơ sĭ sư pơma kiơ̆ kơ đon sư tơchĕng ôh. Sơnăm noh sơ̆ sư pơm 'bok soi tơm, na 'Bok Kei-Dei ăn kơ sư pơma khan lê̆ hơdrol gah Yêsu wă lôch tang lu bơngai Juđê.

Yo 11:51 Iomraidhean Croise

Le 28:30

Ih dan lăm bơnal 'băk tơ kơtơh gah tơdrong sek tơlang, Urim hăm Thumim,a wă kơ kơplah Arôn truh 'bơ̆t anăp Kră Yang na dôm tơmam noh gô jê̆ lăm jơhngơ̆m Arôn kơdih, thoi noh Arôn gô yua Urim păng Thumim wă kơ băt sek tơlang lu kon drŏ-nglo Isơrael kiơ̆ thoi Kră Yang wă.*

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Jo 22:28

Kơplah noh, Kră Yang pơih 'bơ̆r aseh iĕ gơh pơma, aseh khan kơ Balaam: Inh đei pơm kiơ kơ ih, mă ih teh inh pêng wơ̆t?

Jo 24:2

Balaam tơmang 'bôh adrĕch Isơrael pơm bơsŭn kiơ̆ kơ adrĕch păng Yang Bơhngol 'Bok Kei-Dei đei oei hơdai sư,

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Yo 11:49

Hơtai ei sơ̆ đei minh 'nu 'bok anăn sư Kaiphe. Sơnăm noh sơ̆ sư pơm 'bok soi tơm. Sư kơtơ̆ng thoi noh na sư khan: “Iĕm ưh kơ hlôh tơpă lah iih tơdrong noh.

Yo 18:13

Lu sư năm ba Yêsu tơ Ana. Ana 'noh sư tơnei Kaiphe. Kaiphe pơm 'bok soi tơm lăm sơnăm 'noh.

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

I Sam 23:9

Wă Đawit băt Sôl chă wă pơrăm sư, na sư khan kơ 'bok soi tơm Abiathar: Chĕp ba ao êphot tơ âu.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.