Yo 11:11 - Sơ̆p Hlabơar Nơ̆r 'Bok Kei-Dei

¹¹ Klaih kơ noh Yêsu khan thoi âu dơ̆ng: “Lasarơ bơngai mă juăt păng bơ̆n, sư oei tep na Inh wă năm râu sư dang ei.”

Yo 11:11 Iomraidhean Croise

II Pot 4:31

Gêhasi năm adrol kơ bre sư păng dan 'long jra 'bơ̆t muh măt bơngai 'lơ̆p ei. Mă-lei 'nhŏ kơtơ̆ng kiơ hloi, kư̆m ưh kơ 'bôh tơdra kiơ wă tơbăt khan “Bơngai 'lơ̆p ei arih.” Sư wơ̆t tơ rŏng tơ'bơ̆p Êlisê păng khan: “Bơngai 'lơ̆p 'noh ưh pă hơdơ̆r hloi bơih.”

II Ho 20:7

Ơ Kră Yang 'Bok Kei-Dei lu nhôn Hăm trŏ Ih boih pơpuh tơweh lu kon pơlei oei lăm tơring âu 'bơ̆t anăp bơngai Isơrael Ih, na jao ăn dêh char kơ adrĕch adrung Abraham, buăl juăt Ih, oei jang sa tơ âu ling-lang hlŏng hloi?

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Êsai 41:8

Mă-lei iĕm, ơ bơngai Isơrael, đĭch đam Inh, păng iĕm ơ adrĕch Jakôp bơngai mă Inh đei rơih iŏk bơih, adrĕch adrung Abraham buăl Inh.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Mathiơ 27:52

Lơ 'măng bơsat tơpơih kơdih, 'Bok Kei-Dei ăn kơ lu bơngai mă lui kơ Sư lôch boih iung arih.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Markôs 5:39

Yêsu mơ̆t tơ lăm hnam ei khan kơ đe: “Iĕm mah nhơ̆m hmoi ơh kơ kiơ mah tơjrông tơjrang mang? Bơngai âu ưh kơ lôch ôh, sư tep đĕch.”

Yo 11:10

Dah bơngai bu ưh kơ lui kơ 'Bok Kei-Dei sư dang yak kơmăng; kơlih kơ sư ưh kơ lui na pă jor sư gô kuơ̆l kơ trong, kơlih sư ưh kơ wă 'Bok Kei-Dei tơ'bôh ăn kơ sư trong.”

Yo 11:12

Lu bơngai pơhrăm păng Sư khan: “Ơ 'Bok, sư wă klaih kơ jĭ thâu na sư 'maih tep dêh.”

Yo 11:13

Yêsu pơma pơjuang kơ lu sư Lasarơ lôch boih mă-lei lu sư ưh kơ hlôh, ngêh kơ Lasarơ tep đĕch.

Yo 11:3

Na 'bar 'nu bre mai oh ei wơh đe năm tơ Yêsu khan thoi âu: “Ơ 'Bok, Lasarơ mă Ih 'mêm kơeng, sư oei păn kơ jĭ.”

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

I Kor 15:18

Păng mă lu bơngai lui kơ Yêsu Krist, lu sư lôch boih, lu sư kư̆m hơdai hiong hiach mơ̆n.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

I Kor 15:51

Na dang ei inh wă khan ăn kơ iĕm minh tơdrong hrĕp tam mă tơbăt kơ đe đơ̆ng sơ̆: Kon bơngai bơ̆n, 'Bok Kei-Dei ưh kơ ăn lôch đĭ ôh, đĭ-đăng kơ bơngai mă lôch mă oei arih tơplih hloi akâu 'nao. Kơđei kơ minh tơtĕp măt, lăp bơ̆n kơtơ̆ng đe hlôm keng năr tôch; đe hlôm na bơngai lôch iung arih hloi ưh pă đei ôm hach boih, na bơ̆n mă oei arih kư̆m tơplih hloi akâu 'nao mơ̆n.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

I Tes 5:10

Kră Yang Yêsu Krist lôch tang bơ̆n wă kơ bơ̆n oei hăm Sư ling-lang. Năr Sư jur kơnh, lu bơ̆n bơngai lui, mă bơngai oei arih mă bơngai lôch boih, lu bơ̆n gô oei hơdai păng Sư đĭ-đăng.

Ya 2:23

Na tơdrong noh trŏ thoi lăm sơ̆p hla bơar 'Bok Kei-Dei đei khan thoi âu: “Abraham đei đon lui păng gơnang kơ 'Bok Kei-Dei na 'Bok Kei-Dei jô̆ sư bơngai 'lơ̆ng tơpăt. Păng 'Bok Kei-Dei krao Abraham bôl juăt Sư.”