Yo 10:36 - Sơ̆p Hlabơar Nơ̆r 'Bok Kei-Dei

³⁶ Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 10:36 Iomraidhean Croise

Horiso 2:2

Lu pơtao lăm teh đak iung blah, Lu kră pơgơ̆r pơđâu chă đon wă blah Kră Yang, păng Tơ'ngla mă Kră Yang đei rơih tuh đak rơmă

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 42:3

Sư ưh kơ gơ̆ lê̆ 'long gơlăr wă tơgơ̆ bơih păng ưh kơ pĭt lê̆ ŭnh oei khơ̆ng kơplah brai wă jê̆ tôch. Sư gô ba tơdrong tơpăt hơnơ̆ng hăm tơdrong sĭt.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Yo 10:35

Bơ̆n băt sơ̆p hla bơar 'Bok Kei-Dei pơma trŏ tơpăt, na 'Bok Kei-Dei khan kơ lu kơdră bơ̆n mă Sư ăn jang tơdrong Sư sơ̆ khan sư dang yang.

Yo 17:18

Inh wơh lu sư năm jơ̆p-jang kơ teh đak âu, kư̆m thoi Ih wơh Inh jur tơ ala teh âu mơ̆n.

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 3:17

'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Yo 5:30

“Inh ưh kơ pơm kiơ̆ thoi Inh wă ôh. Inh kơtơ̆ng 'Bă Inh pơma kơ Inh thoi yơ, Inh sek tơlang kiơ̆ thoi Sư pơma 'noh mơ̆n. Tơdrong Inh sek tơlang Inh sek tơlang mă tơpăt kiơ̆ thoi Sư, kơlih kơ Inh ưh kơ wă kiơ̆ thoi Inh kơdih, Inh athei pơm trŏ thoi 'Bă Inh mă wơh Inh wă.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Yo 6:57

'Bă Inh mă arih ling-lang, Sư wơh Inh na Inh oei arih yua kơ 'Bă Inh. Thoi noh mơ̆n bơngai mă sa sĕch akar Inh, sư gô oei arih yua kơ Inh.

Yo 6:69

Nhôn lui boih kơ Ih. Nhôn băt kơ Ih Kon 'Bok Kei-Dei mă 'lơ̆ng tơpăt.”

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.