Yo 10:22 - Sơ̆p Hlabơar Nơ̆r 'Bok Kei-Dei

²² Hơtai ei tơ Pơlei Jêrusalem năr đe pơm giĕng lu bơngai Juđê. Pơm giĕng ei đe wă kơ 'blŏk hơdơ̆r kơ năr đe pơyơ̆r hnam akŭm 'Bok Kei-Dei tơm sơ̆.

Yo 10:22 Iomraidhean Croise

I Pot 8:63

Pơtao Sôlômôn sư, pơyơ̆r tơmam soi kơ Kră Yang, đei 'bar-jĭt 'bar-rơbâu tŏ rơmo tơno, đei minh-hrĕng 'bar-rơbâu tŏ triu, păng bơbe. Đĭ-đăng lu kon pơlei hăm pơtao Sôlômôn chơt hiôk pơyơ̆r pơm keh hnam akŭm Kră Yang.

II Ho 7:5

Pơtao Sôlômôn pơyơ̆r tơmam soi 'bar-jĭt 'bar-rơbâu tŏ rơmo păng minh-hrĕng 'bar-jĭt rơbâu tŏ triu păng bơbe, thoi noh pơtao Sôlômôn păng đĭ-đăng kon pơlei pơyơ̆r pơih hloi hnam akŭm 'Bok Kei-Dei.

Esơra 6:16

Kon pơlei Isơrael, lu 'bok soi bơngai Lêwi noh lu bơngai mă đe rôp pơm bơnă wih brŏk, đĭ-đăng lu sư chơt hiôk pơm giĕng et sa pơih hnam akŭm Kră Yang 'Bok Kei-Dei keh.

Markôs 3:22

Lu 'bok thây bơtho khôi juăt bơngai Juđê mă jur đơ̆ng Pơlei Jêrusalem lu sư khan: “Yŏng pơgơ̆r lu yang kơnê̆, măt sư Belsêbul, mơ̆t lăm akâu Yêsu boih.” Lu mơ'nah dơ̆ng khan: “Yŏng pơgơ̆r lu yang kơnê̆ tơgŭm Sư na Sư gơh pơpuh lu yang kơnê̆ nai.”

Yo 10:21

Lu bơngai mơ'nah dơ̆ng khan: “Bơngai yang mơ̆t ưh kơ gơh bơtho thoi noh ôh. Lơliơ yang kơnê̆ gơh pơm bơngai măt tol gơh 'bôh hơdah?”

Yo 10:23

Hơtai ei bơyan puih tơngiĕt. Na Yêsu nơnăm lăm pra Sôlômôn, lăm hnam akŭm 'Bok Kei-Dei tơm.