Yo 10:12 - Sơ̆p Hlabơar Nơ̆r 'Bok Kei-Dei

¹² Gah bơngai wei triu mă ưh kơ tơ'ngla triu ei, sư bơngai jang đĕch; bơngai 'noh lăp sư 'bôh kŏ-so truh sư achăng lê̆ triu ei, na akâu sư jăk hloi tơ nai. Lu triu ei mơ'nah kŏ-so rôp, mơ'nah jăk tơklah tơklang.

Yo 10:12 Iomraidhean Croise

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Yo 10:13

Bơngai ei kơdâu jăk yua kơ sư bơngai jang đĕch, sư ưh kơ 'mêm kơ triu ôh.

Yo 10:2

Bơngai mă mơ̆t trong 'măng tơm, bơngai 'noh sư tơ'ngla triu.

Yo 10:3

Na bơngai gak 'măng pơih ăn kơ tơ'ngla sư 'măng hloi. Mă triu kư̆m kơnăl kơ 'bơ̆r tơ'ngla sư mơ̆n. Na tơ'ngla sư krao tôm kơ anăn lu sư, na tơlĕch lu sư kiơ̆ tơ'ngla sư lĕch tơ 'ngoaih.

Jang 20:29

Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

I Tim 3:3

Sư ưh kơ lah suai sik păng ưh kơ tôn teh đe. Sư bơngai dim khôn tơpă ưh kơ wă pơjah pơjăng păng đe. Sư ưh kơ hăt sa jên lơ ôh.

I Tim 3:8

Dah bơngai lui wă jang lăm hnam 'Bok Kei-Dei, sư athei pơm mă 'lơ̆ng tơpăt adrol 'mơ̆i, ưh kơ et sik suai, ưh kơ hăt sa jên lơ păng trŏ tơdrong sư jang sư 'nĕ kơ pơgŏ iŏk jên đe.

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.